पंढरपूर (सोलापूर) : सोलापूर जिल्ह्यातील ज्येष्ठ नेते तथा माजी आमदार यांना आणि त्यांचे बंधू अशा दोघांचे कोरोना रिपोर्ट पॉझिटिव्ह आले आहेत. दोन दिवसांपूर्वी त्या दोघांची रॅपिड अँटिजेन टेस्ट घेण्यात आली होती. रिपोर्ट पॉझिटिव्ह येताच दोघाही बंधूंना दक्षता म्हणून पुण्यातील खासगी रुग्णालयात उपचारासाठी दाखल करण्यात आले आहे. 

हेही वाचा : परिस्थितीवर मात करत मल्लम्मांनी भजनाच्या माध्यमातून उभा केला जीवनाचा आदर्श ! 

कायम लोकांच्या संपर्कात असणाऱ्या या माजी आमदारांनी कोरोनाचा संसर्ग होऊ नये यासाठी काळजी घेतली होती. परंतु तरीही त्यांना संसर्ग झालाच. त्यांचे बंधू तथा आमदार यांचे वडील यांनाही दोन दिवसांपूर्वी लक्षणे दिसू लागल्याने कुटुंबीयांनी दोघांचीही तातडीने रॅपिड अँटिजेन टेस्ट करवून घेतली होती. दोघांचेही रिपोर्ट आज पॉझिटिव्ह आल्याने दक्षता म्हणून त्यांना पुण्यातील दीनानाथ मंगेशकर हॉस्पिटलमध्ये उपचारासाठी दाखल करण्यात आले आहे. दोघांचीही प्रकृती व्यवस्थित असल्याचे सूत्रांनी सांगितले. 

हेही वाचा : ई-पासबद्दल सोशल मीडियावर होणाऱ्या अफवांबद्दल पोलिसांनी काय मांडली भूमिका? 

जिल्हा आरोग्य अधिकाऱ्यांच्याकडून आलेल्या अहवालात पंढरपूर शहरातील 36 तर तालुक्‍याच्या ग्रामीण भागातील 31 अशा एकूण 67 नवीन व्यक्तींचे रिपोर्ट पॉझिटिव्ह आले आहेत. तालुक्‍याच्या ग्रामीण भागात सर्वाधिक भोसे येथे 21 व्यक्तींचे रिपोर्ट पॉझिटिव्ह आले आहेत. त्याशिवाय खेड भोसे येथील सात, शेगाव दुमाला येथील दोन तर 
आढीव, करकंब, लक्ष्मी टाकळी, मेंढापूर, पिराची कुरोली, रोपळे येथील प्रत्येकी एका व्यक्तीचा रिपोर्ट पॉझिटिव्ह आला आहे. 

पंढरपूर शहरात जुना सोलापूर नाका परिसर व जुनी पेठ भागातील प्रत्येकी चार, कोळी गल्ली, नाथ चौक, के. बी. पी. कॉलेजजवळ, सावता माळी मठ, वीर सागर नगर या भागातील प्रत्येकी दोन तर अनिल नगर, गांधी रोड, इंदिरा गांधी भाजी मार्केट, जुना कराड नाका, लिंक रोड, महाद्वार, महात्मा फुले नगर, नागपूरकर मठ, एम. एस. ई. बी. जवळ, रामबाग, संतपेठ, सावरकर नगर, उमदे गल्ली या भागातील प्रत्येकी एका व्यक्तीचा रिपोर्ट पॉझिटिव्ह आला आहे. 

संपादन : श्रीनिवास दुध्याल