सोलापूर : राष्ट्रवादी कॉंग्रेसचे (NCP) अध्यक्ष खासदार शरद पवार (Sharad Pawar) यांच्या वाढदिवसानिमित्त राष्ट्रवादी कॉंग्रेसचे कार्यकारी अध्यक्ष उमेश पाटील (Umesh Patil) यांच्या संकल्पनेतून नागरिकांचा जनता दरबार (Janata Darbar) राबविण्यात येत आहे. या अभियानाचा मोहोळ (Mohol) तालुक्‍यातील दुसरा टप्पा सोमवारपासून (ता. 27) पेनूर जिल्हा परिषद (Solapur ZP) गटात सुरू होत आहे. या गटातील 11 गावांमध्ये हा नागरिकांचा जनता दरबार राबविण्यात येणार असल्याची माहिती राष्ट्रवादीचे कार्यकारी अध्यक्ष उमेश पाटील यांनी दिली. (From Monday Janata Darbar will be held in Penur ZP group)

सोमवारी सायंकाळी सहा वाजता आढेगाव, रात्री आठ वाजता पाटकूल, मंगळवारी (ता. 28) सायंकाळी सहा वाजता सौंदणे, रात्री आठ वाजता टाकळी सिकंदर येथे नागरिकांचा जनता दरबार भरणार आहे. गुरुवारी (ता. 30) सायंकाळी सहा वाजता वरकुटे, रात्री आठ वाजता शेजबाभुळगाव, शुक्रवारी (ता. 30) सायंकाळी सहा वाजता तांबोळे व रात्री आठ वाजता अंकोली येथे नागरिकांचा जनता दरबार होणार आहे. शनिवारी (ता. 1) सायंकाळी सहा वाजता पेनूर येथे तर रात्री आठ वाजता औंढी येथे नागरिकांचा जनता दरबार आहे. रविवारी (ता. 2) सायंकाळी सहा वाजता नजीक पिंपरी येथे नागरीकांचा जनता दरबार होणार आहे.

कार्यकारी अध्यक्ष उमेश पाटील म्हणाले, अक्कलकोट (Akkalkot), दक्षिण सोलापूर (South Solapur) या तालुक्‍यात नागरिकांचा जनता दरबार झाल्यानंतर मोहोळ तालुक्‍यात हे अभियान राबविण्यात येत आहे. मोहोळ तालुक्‍यातील प्रत्येक गावात हे अभियान राबविले जाणार आहे, त्याची सुरुवात नरखेड जिल्हा परिषद गटापासून झाली आहे. आता दुसऱ्या टप्प्यात मोहोळ तालुक्‍यातील पेनूर जिल्हा परिषद गटात नागरिकांचा जनता दरबार भरणार आहे. या गटातील नागरिकांनी जनता दरबाराचा लाभ घ्यावा. तालुका स्तरावरील, जिल्हा स्तरावरील व राज्य स्तरावरील प्रलंबित प्रश्‍न या जनता दरबाराच्या माध्यमातून सोडविले जात असल्याचेही त्यांनी सांगितले.