सोलापूरः रोजच्या रोज चहा तयार करून विकण्याच्या धंद्यावर दोन कुटुंबांची गुजराण करणारे मो. अफजलभाईचा चहा बंद झाल्याने आता दोन्ही मुलांसाठी दररोज लागणाऱ्या 60 रुपयांच्या गोळ्या कशा मिळवाव्यात यासाठी त्यांची धडपड सुरू आहे. 

हेही वाचाः त्यांनी साकारला लढणारा योध्दा भारत 

अफजलभाईचे पाच जणांचे कुटुंब आहे. या कुटुंबातील दोन्ही मुलांना लहानपणापासून फीट्‌सचा त्रास आहे. या मुलांना दररोज 60 रुपयांच्या गोळ्या द्याव्या लागतात. मुलांचा सांभाळ व शिक्षणासाठी त्यांची पत्नी थोडीफार विडी तयार करण्याचे काम मजुरीवर करते. रस्त्यावर चहाचा एक गाडा ते चालवतात. अफजलभाईची सासू हमीदाबी शेख या त्यांना चहाच्या गाड्यावर मदत करतात. हमीदाबी यांना एका लेकीशिवाय कोणी नाही. त्यांना त्यांच्या वृद्ध आईला सांभाळावे लागते आहे. त्या देखील या चहाच गाड्याच्या कमाईवर अवलंबून आहेत. त्या चहाच्या गाडीवर अफजलभाईना मदत करून त्यांच्या घराचा थोडाफार खर्च चालवतात. मागच्या दीड महिन्यापासून लॉकडाउनमुळे त्यांचा चहाचा गाडा बंद आहे. 

हेही वाचाः अर्सेनीक अल्बम30 च्या परिणामाकडे लक्ष 

अधूनमधून त्यांनी चहाचा गाडा सुरू करण्याचा प्रयत्न केला. मात्र, साखर व चहापत्ती महागाने मिळू लागली. पुन्हा पोलिसांची भीती वेगळीच आहे. त्यामुळे चहाचा गाडा अजूनही सुरळीत झाला नाही. 
त्यांची एवढी आर्थिक स्थिती वाईट असून त्यांना शासनाकडून चक्क अधिक उत्पन्न गटाचे केसरी कार्ड दिले गेले. त्यामुळे कुटुंबीयासाठी पुरेसे धान्य मिळाले नाही. त्यामुळे पुुरेसे धान्य देखील मिळत नाही. निदान रोज मुलांना द्यावयाच्या फिट्‌स आजाराच्या 60 रुपयांच्या गोळ्या देण्यासाठी त्यांची धडपड सुरू आहे. वयाच्या 67 व्या वर्षी ते चहाचा व्यवसाय करतात. अब तो बच्चेकी दवाओ के पैसे मिलते रहे इसीलिये चाय की दुकान सुरू होना जरुरी है' असे ते सांगतात.