हेही नक्‍की वाचा : अहोरात्र मेहनत करुनही पोलिसांना 75 टक्‍केच वेतन 

सोलापूर शहर पोलिस आयुक्‍तालयाच्या हद्दीत सात पोलिस ठाणे असून या पोलिस ठाण्याच्या हद्दीत तब्बल 21 ठिकाणी नाकाबंदी करण्यात आली आहे. सकाळी 6 ते रात्री 11 वाजेपर्यंत पोलिसांचा त्याठिकाणी पोलिस बंदोबस्त तैनात करण्यात आला आहे. सोलापूर अद्याप कोरोना या विषाणूच्या विळख्यात आलेले नसून नागरिकांनी खबरदारी घेतल्याचे पोलिस आयुक्‍त अंकूश शिंदे यांनी सांगितले. मात्र, काहीजण कारण नसताना तथा किरकोळ कारण असूनही घराबाहेर पडत आहेत. आतापर्यंत नऊ हजारांहून अधिक बेशिस्त नागरिकांवर गुन्हे दाखल केले असून एक हजारांपर्यंत वाहने जप्त केली आहेत. दरम्यान, आता जीवनाश्‍यक वस्तू खरेदीसाठी वेळ निश्‍चित केली असून त्याच वेळेत नागरिकांनी भाजी अथवा किरणा वस्तू खरेदी करावयाच्या आहेत, असेही आयुक्‍त शिंदे यांनी स्पष्ट केले. विनाकारण घराबाहेर पडलेल्यांवर लॉकडाउन असेपर्यंत कारवाई केली जाईल तर जप्त केलेली वाहने संपूर्ण लॉकडाउन संपेपर्यंत सोडली जाणार नाहीत, असेही त्यांनी सांगितले. 

हेही नक्‍की वाचा : लॉकडाउनमध्ये मध्यप्रदेशला बेदाणा घेऊन निघालेले तरुण पकडले 

सोलापुकरांनी करुन दाखविले : सातत्य ठेवा 
राज्यभरात कोरोना या विषाणूचा विळखा वाढू लागला असतानाही विशेषत: सोलापुरच्या सीममेवरील सर्वच जिल्ह्यांमध्ये कोरोनाबाधित रुग्ण आढळले असतानाही सोलापूर अद्याप कोरोनापासून चार हात लांबच आहे. जिल्हाधिकाऱ्यांचे ठोस नियोजन अन्‌ नागरिकांनी घेतलेली खबरदारी, यामुळे ते शक्‍य झाले आहे. आणखी काही दिवस सोलापुकरांनी त्यात सातत्य ठेवल्यास कोरोना येणारच नाही, असा विश्‍वास पोलिस आयुक्‍त अंकूश शिंदे यांनी व्यक्‍त केला. बेशिस्त नागरिकांवर तथा वाहनचालकांवर कठोर कारवाई केली जाईल.