सोलापूरः कोरोना साथीच्या काळात कर्तव्यावर असलेल्या बीएएमएस डॉक्‍टरांना इतर डॉक्‍टरांप्रमाणेच जबाबदारी, कर्तव्यासोबत कोरोना संसर्गाचा धोका देखील तेवढाच आहे. तेव्हा ऍलोपॅथी प्रॅक्‍टिस करणाऱ्या डॉक्‍टरांप्रमाणेच या आयुर्वेदिक डॉक्‍टरांना समान वेतन व आर्थिक लाभ द्यावेत, अशी मागणी निमा संघटनेकडून केली जात आहे. 

हेही वाचाः पक्ष्यांचे देखणेपण त्यांनी टिपले कॅमेऱ्यात 

शिवसेनेच्या प्रवक्‍त्या व आमदार डॉ. मनीषा कायंदे यांनी वैद्यकीय शिक्षण व सांस्कृतिक कार्यमंत्री अमित देशमुख यांच्याशी पत्रव्यवहार केला आहे. "निमा'च्या मुंबई जिल्हा शाखेने देखील याप्रश्‍नी वैद्यकीय शिक्षणमंत्र्यांना पत्र दिले आहे. 

हेही वाचाः जिल्ह्यात दमदार पावसाची हजेरी 

आजतागायत या दोन्ही डॉक्‍टरांमध्ये अनावश्‍यक भेदभाव निर्माण केला आहे. बीएएमएस डॉक्‍टरांना एमबीबीएस डॉक्‍टरांच्या तुलनेत कमी लेखण्यात येते. त्यांना मानधन कमी देण्यात येते. या दोन्ही डॉक्‍टरांच्या मानधनातील तफावत दूर करण्यासाठी राज्य शासनाने मार्चमध्ये विधिमंडळाच्या दोन्ही सभागृहांच्या संमतीनंतर दोन्ही डॉक्‍टरांना समान मानधन देण्यासाठी 21 मे 1981 रोजी शासनाने निर्णय घेतला आहे. 
आता कोविडच्या प्रादुर्भावामुळे डॉक्‍टरांच्या भरतीसाठी जाहिराती येत आहेत. या जाहिरातीत अजूनही एमबीबीएस डॉक्‍टरांचे मानधन बीएएमएस डॉक्‍टरांपेक्षा जास्त दर्शविण्यात येते. आजही अनेक खासगी रुग्णालयांत निवासी डॉक्‍टर म्हणून अनेक बीएएमएस डॉक्‍टर तुटपुंज्या वेतनात काम करीत आहेत. एमबीबीएस डॉक्‍टरांच्या तुलनेत त्यांना कमी लेखण्यात येते व मानधनसुद्धा कमी देण्यात येते. सध्या दोन्ही प्रकारच्या डॉक्‍टरांना समान काम करावे लागत आहे. कोरोना संकटात हे डॉक्‍टर काम करीत असून त्यांनादेखील संसर्गाचा धोका आहे. त्यामुळे धोका पत्करण्याचे कार्य सर्वच डॉक्‍टर करीत असतील, तर बीएएमएस डॉक्‍टरांसोबत होत असलेल्या अन्यायाविषयी निमा मुंबई अध्यक्ष व राष्ट्रीय सहसमन्वयक डॉ. संजय लोंढे यांनी दिलेल्या माहितीनुसार हा अन्याय दूर करण्याची विनंती केली आहे. या संदर्भात राज्य शासनाकडे पाठपुरावा सुरू असून बीएएमएस डॉक्‍टरांना समान वेतन मिळण्याच्या दृष्टीने प्रयत्न सुरू आहेत.