गेल्या दीड वर्षापासून केगाव- हत्तूर या 23 किमीच्या बायपास रस्त्याचे काम पूर्ण झाले आहे. बायपासमुळे सुपरफास्ट महामार्ग वाहनधारकांसाठी शुक्रवारपासून वाहतुकीसाठी खुला होणार आहे.
सोलापूर - गेल्या दीड वर्षापासून केगाव- हत्तूर (Kegav-Hattur) या 23 किमीच्या बायपास रस्त्याचे (Bypass Road) काम पूर्ण झाले आहे. बायपासमुळे सुपरफास्ट महामार्ग वाहनधारकांसाठी शुक्रवारपासून (ता. 25) वाहतुकीसाठी (Transport) खुला होणार आहे. यामुळे शहरातील महामार्गावरील वाहतकीचा भारदेखील कमी होणार आहे.
पुण्याकडून विजापूरकडे जाणारी जड वाहने शहरातून जात होती. त्यामुळे अनेकदा अपघाताच्या घटना घडल्या आहेत. 23 किमीचा बायपास सोलापूर शहराच्या बाहेरून जात असल्याने शहरातून जाणाऱ्या महामार्गावरील वाहतुकीच्या कोंडीचा प्रश्न सुटणार आहे. सोलापूर शहरातील जड वाहतूक बंद व्हावी. अपघातांचे प्रमाण कमी व्हावे आणि विनाअडथळा वाहतूक सुरू रहावी याहेतूने केगाव- हत्तूर बायपास रस्ता सोलापूर शहरापासून 8 किमी अंतरावरून करण्यात आला आहे. त्यामुळे आता विजापूरकडे जाणारी वाहने शहरात न येता थेट केगाव- हत्तूरमार्गे विजापूरकडे जाणार आहेत. विजापूरकडे जाणारी जडवाहतूक ही आता न थांबता नियमितपणे सुरू राहणार आहे. त्याच्यामुळे शहरातील वाहतूक कोंडीचा प्रश्न सुटणार असून, अपघातांवर नियंत्रण येणार आहे. सोलापूर- पुणे या महामार्गावर आणि रेल्वे पुलावर गर्डर टाकण्यासाठी वेळ लागला असून, या कामाच्या लोकार्पणाला वेळ लागला आहे. परंतु, शुक्रवारी (ता.25) स्थानिक अधिकाऱ्यांकडून बायपास खुला केला जाणार असून, मार्च महिन्यांच्या पहिल्या आठवड्यात केंद्रीय वाहतूक मंत्री नितीन गडकरी यांच्या उपस्थितीत औपचारीकपणे लोकार्पण होणार असल्याचे सांगण्यात आले.
ठळक बाबी...
- बायपासच्या कामासाठी लागला 15 महिन्यांचा कालावधी
- बायपासची एकूण लांबी 23 किमी
- केगाव ते हत्तूरपर्यंत जोडण्यात आला बायपास
- बायपासचे काम मे. विजयपुरा टोलवे प्रा. लि. कंपनीकडून पूर्ण
- 880 टनांचे 10 गर्डर टाकण्याचे काम यशस्वी
प्रसिद्धी आणि प्रचारावर जोर
केंद्रीय वाहतूक मंत्री नितीन गडकरी यांच्याहस्ते केगाव- हत्तूर बायपासचे लोकार्पण मार्चच्या पहिल्या आठवड्यात होणार असल्याचे यावेळी सूत्रांनी सांगितले. केंद्रातील भाजप सरकारच्या निधीतून महाराष्ट्रात झालेल्या प्रत्येक कामाचे लोकार्पण व उद्घाटन केंद्रीय मंत्र्यांच्या हस्तेच केले जात आहे. प्रत्यक्षात उपस्थित राहता येत नसले तरीही ऑनलाइन पद्धतीने ते या कार्यक्रमास उपस्थित राहत आहेत. सोशल मीडियाच्या माध्यमातून ते त्याचा प्रचार व प्रसिद्धी करतात. ठाणे ते दिवा या रेल्वे मार्गाच्या लोकार्पण सोहळ्यावेळीही असेच पहायचा मिळाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.