कुर्डू (सोलापूर) : लऊळ (ता. माढा) येथे अनैतिक संबंधातून युवकाचा खून झाल्याची घटना शुक्रवारी रात्री घडली. राजाराम शिवाजी घुगे (वय 30, रा. लऊळ) असे खून झालेल्या युवकाचे नाव आहे. या प्रकरणी दोघा संशयितांना पोलिसांनी ताब्यात घेतले आहे.

हेही वाचा - "ती' त्याला सोडून तशीच पळाली...

दोघा संशयितांना पोलिसांनी घेतले ताब्यात
कुर्डुवाडी-पंढरपूर रस्त्यावरील लऊळ येथे संतोष खंडू गोरे व खंडू सुखदेव गोरे यांच्या वस्तीवर राजाराम घुगे आल्याचे समजल्यावर संतोष व वडील खंडू गोरे यांनी प्रेमसंबंधाच्या कारणावरून त्यास धारदार हत्याराने व लाकडाने मारहाण केली. यात त्याचा गंभीर जखमी झाल्याने मृत्यू झाला. या घटनेत अन्य आरोपींचा समावेश असल्याचा संशय फिर्यादीत व्यक्त केला असून, या घटनेची फिर्याद मृत राजारामचा भाऊ संभाजी शिवाजी घुगे याने कुर्डुवाडी पोलिस ठाण्यात दिली आहे.