राष्ट्रवादी काँग्रेसचे अध्यक्ष शरद पवार यांनी (sharad pawar) मराठवाड्यातील म्हण प्रत्यक्षात आणून दाखवली आहे, त्यामुळे कुणाच्याही नादाला लागा पण शरद पवारांच्या नको, असं सल्ला राष्ट्रवादी काँग्रेसचे नेते धनंजय मुंडें विरोधी पक्षनेते देवेंद्र फडणवीसांना दिला आहे. सोलापुरातील गोकुळ शुगर्सच्या सांगता सभेत मुंडे बोलताना त्यांनी भाजपावर हल्लाबोल केला.

मुंडे म्हणाले, २०१९च्या विधानसभा निवडणुकीत भाजपा-शिवसेना युती आणि काँग्रेस-राष्ट्रवादी आघाडीने लढवली होती. निकालामध्ये भाजपा-सेनेला बहुमत मिळालं आणि राष्ट्रवादीला 54 जागा तर काँग्रेसला 44 जागा मिळाल्या. कुणाच्या स्वप्नात, ध्यानीमनीही नसतानाही 'व्हत्याच नव्हतं अन् नव्हत्याच व्हतं झालं', अशी स्थिती निर्माण झाली.

शरद पवार यांच्या नादाला न लागण्याच्या सल्ला विरोधी नेते फडणवीसांना यांनी दिला होता, परंतु त्यांनी ऐकलं नाही. त्यामुळंच 'व्हत्याच नव्हतं अन् नव्हत्याच व्हतं, 'ही म्हण राष्ट्रवादी काँग्रेसचे अध्यक्ष शरद पवारांनी प्रत्यक्षात आणून दाखवली, असा टोला मुंडेंनी लगावला आहे.

यावेळी गोपीनाथ मुंडे ऊस तोड कामगार कल्याण मंडळाला निधीची तरतूद करण्यासाठी ऊस गाळपाच्या प्रत्येक टनाला कारखाना 10 रुपये आणि सरकारकडून 10 रुपये असे एकुण 20 रुपये प्रमाणे निधी महामंडळाकडे जमा होणार आहे. हा निधी ऊसतोड कामगारांच्या मुलांच शिक्षण,विमा,घर,आरोग्य आणि उपचारासाठी उपयोगात आणला जाणारा आहे, अशी माहिती धनंजय मुंडे यांनी यावेळी दिली.