पिलीव(सोलापूर)ः एनजीओ नर्सिंग ब्युरोच्या माध्यमातून कोरोना कालावधीत संपूर्ण महाराष्ट्रभर नर्सिंगचा स्टाफ पुरवण्याचे मोलाचे योगदान दिल्याबद्दल महाराष्ट्र नर्सिंग कौन्सिलचे शासन नियुक्त सदस्य डॉ. राहुल जवंजाळ यांचा सन्मान आ. राम सातपुते यांच्या हस्ते करण्यात आला. 

हेही वाचाः वेळूच्या काड्यांचा पारंपरिक आकाशदिवा बनवण्याची त्यांनी जपलीय कला 

यावेळी कार्यक्रमाच्या अध्यक्षस्थानी प्रसिद्ध ह्दय रोग तज्ञ डॉ. एम के इनामदार होते तर व्यासपीठावर ज्येष्ठ विधिज्ञ ऍड. एम एम मगर, डॉ. तानाजी कदम, ऍड. जी. पी. कदम, डॉ. दिलीप वाघमोडे आदी मान्यवर उपस्थित होते. 

हेही वाचाः प्रभाग 10 रेडझोनमधून बाहेर, नगरसेवकाला मिळाले प्रथमेश, आता उरले सात जण 

महाराष्ट्र नर्सिंग कौन्सिलचे शासन नियुक्त सदस्य व एनजीओ नर्सिंग ब्युरो चे प्रमुख डॉ. राहुल जवंजाळ यांनी मार्च 2020 पासून संपूर्ण महाराष्ट्रभर हॉस्पिटलमध्ये काम करण्यासाठी नर्सिंग स्टाफचा तुटवडा निर्माण झाला होता. तेव्हा कोव्हीड हॉस्पिटलमध्ये काम करण्यासाठी नर्सिंग स्टाफ धजावत नव्हता. यावेळेस डॉ जवंजाळ यांनी योग्य ते मार्गदर्शन करून मुंबई उपनगरासह संपूर्ण महाराष्ट्रभर सुरु असलेल्या कोव्हीड हॉस्पिटलमध्ये नर्सिंगचा स्टाफ उपलब्ध करून दिला. 
यासाठी त्यांनी एक आगळीवेगळी शक्कल लढवली आणि एनजीओ नर्सिंग ब्युरो नावाने एक ऍप तयार करून मोबाइलच्या माध्यमातून उपलब्ध करून या ऍपद्वारे नर्सिंग स्टाफ उपलब्ध करून दिला. कोरोना कालावधीत रुग्णांची सेवा करण्यासाठी कोव्हीड हॉस्पिटलला या नर्सिंग स्टाफ चे मोलाचे योगदान मिळाले. त्यांच्या या कार्याबद्दल आ. राम सातपुते यांनी डॉ राहुल जवंजाळ यांचा सन्मान केला. कार्यक्रमाचे प्रास्ताविक ऍड. जी. पी. कदम यांनी केले. सुत्रसंचालन डॉ. विकास मगर तर आभार संजय हुलगे यांनी मानले. 
 

संपादनः प्रकाश सनपूरकर