मोहोळ : राज्यसभेचे खासदार धनंजय महाडिक यांनी रविवार ता 12 रोजी पुळुज चे ग्रामदैवत राजा लिंगेश्वर महाराज यांच्या पालखी सोहळ्याचेआयोजन केले होते. दुपारी बारा वाजल्या पासून या सोहळ्यास प्रारंभ झाला, तो सायंकाळी चार वाजेपर्यंत चालला.

पालखी सोहळ्यासाठी पुळुज आणि पंचक्रोशीतील सुमारे तीन ते चार हजार भाविक उपस्थित होते, त्यात महिलांची संख्या लक्षणीय होती. यावेळी ह.भ.प. संतोष महाराज वनवे यांचे सुश्राव्य कीर्तनाचे आयोजन केले होते. या कीर्तनावेळी खासदार महाडिक यांनी टाळ व मृदंगाच्या गजरात धरला. या सोहळ्याच्या पार्श्वभूमीवर महाप्रसादाचे आयोजन केले होते.

यावेळी विठ्ठल कारखान्याचे अध्यक्ष अभिजीत पाटील, भिमाचे अध्यक्ष विश्वराज महाडिक, डॉ बी पी रोंगे, मुख्यमंत्री शिंदे गटाचे शिवसेनेचे जिल्हाप्रमुख चरण राज चवरे, प्रकाश पाटील, सुजित कदम, मनसेचे नेते दिलीप धोत्रे, नगरसेवक सुशील क्षीरसागर यांच्यासह संपूर्ण महाडिक परिवार, शेतकरी सभासद, कर्मचारी, मोठ्या संख्येने उपस्थित होते.