करमाळा (सोलापूर) : करमाळा कृषी उत्पन्न बाजार समिती उडदाची आवक वाढली असून उडदाला 6 हजारापर्यंत भाव मिळत आहे. शेतकऱ्यांना 24 तासाच्या आत पैसे दिले जात आहे. 

हेही वाचाः जुन्या दारिद्य्ररेषेखालील नागरिकांच्या यादीने हजारो लाभार्थी योजनेबाहेरच अडकले ः निकष बदलण्याची मागणी 

कृषी उत्पन्न बाजार समितीत अडत दुकानात जाऊन स्वतः सभापती बंडगर यांनी आडत व्यापारी व शेतकरी यांच्याशी संवाद साधला.यावेळी बाजार समितीचे संचालक संतोष वारे, आनंदकुमार ढेरे, सचिव सुनील शिंदे उपस्थित होते. 

हेही वाचाः शिक्षक दिन विशेष ः सुरवसे गुरुजींनी केली 75 हून अधिक इंग्रजी शैक्षणिक व्हिडीओंची निर्मिती 

बाजार समितीत उडीदाची आवक मोठ्या प्रमाणात होत आहे. यंदाच्या खरीप हंगामात समाधानकारक पाऊस झाल्यामुळे शेतकऱ्यांना उडीदाचे मोठे उत्पादन झाले आहे . त्यामुळे बाजार समितीत सध्या दररोज सरासरी 3500 क्विंटल आवक होत असून उडीदाला चांगला मिळत असल्यामुळे शेतकरी वर्गात समाधान व्यक्त होत आहे . करमाळा बाजार समितीत शेतकऱ्यांचे मालाचे त्वरीत मापे, चोख वजन व 24 तासाच्या आत पट्टीमिळत असल्यामुळे व आसपासच्या बाजार समित्यापेक्षा जास्त दर मिळत असल्यामुळे शेतकऱ्यांनी आपला माल बाजार समितीत विक्रीस आणत आहेत. बाजार समितीत पारदर्शी सौदे व चोख व्यवहार असल्याने शेतकऱ्यांनी इतर बाजार समितीतील बाजार भावाची चौकशी व खात्री करुन शेतकरी माल आणत आहेत. जादा दराचा लाब शेतकऱ्यांना मिळतो आहे. 

शेतकऱ्यांनी माल आणावा 
बाजार समितीचा सभापती झाल्यापासून शेतकऱ्यांच्या शेतमालाला जास्तीत जास्त भाव मिळुन देण्यात साठी प्रयत्नशील आहे.त्यामुळे जास्तीत जास्त शेतक-यांनी आपला माल बाजार समितीत विक्रीस आणावा. 
- प्रा.शिवाजी बंडगर, सभापती कृषी उत्पन्न बाजार समिती 

संपादनः प्रकाश सनपूरकर