अकलूज (सोलापूर): सहकारमहर्षी साखर कारखान्यात 1 लाख 11 हजार 111 व्या साखर पोत्याचे पूजन अध्यक्ष जयसिंह मोहिते-पाटील यांचे हस्ते करण्यांत आले. 

हेही वाचाः शेजारचे गेले दवाखान्यात, तितक्‍यात महाविद्यालयीन तरुणांने चोरले 75 ग्रॅम दागिने 

सहकारमहर्षी शंकरराव मोहिते पाटील सहकारी साखर कारखान्या सन 2020-21 चा ऊस गळीत हंगाम मागील महिन्यापासून सुरु झाला आहे. शुक्रवार (ता.13) अखेर 1 लाख 46 हजार 299 मे.टन ऊसाचे गाळप पूर्ण झाले. त्याद्वारे 1 लाख 21 हजार साखर पोत्याचे उत्पादन झाले आहे. 

हेही वाचाः एकवीस वर्षानंतर पहाट गाण्याशिवाय दिवाळी 

सरासरी साखर उतारा 9.35 व आजचा साखर उतारा 9.42 एवढा आहे. मार्गदर्शक संचालक विजयसिंह शंकरराव मोहिते-पाटील आणि अध्यक्ष जयसिंह शंकरराव मोहिते-पाटील यांचे मार्गदर्शनाखाली प्रगतीपथावर असणाऱ्या या कारखान्यात प्रति दिन 8,000 में.टनाने ऊसाचे गाळप होत आहे. तसेच सहवीज निर्मिती प्रकल्पामध्ये शुक्रवार (ता.13) अखेर 1 कोटी 23 लाख 42 हजार 307 युनीट विज निर्माण झाली. आतापर्यंत 78 लाख 06 हजार 758 युनीट विज विक्री केलेली आहे. तसेच चालू सिझनमध्ये उपपदार्थ प्रकल्पातील डिस्टीलरीमध्ये 9 लाख 67 हजार 813 लिटर्स रेक्‍टीफाईड स्पिरीटचे उत्पादन झाले. तसेच 4 लाख 86 हजार 790 लिटर्स इथेनॉल उत्पादीत झाले असल्याची माहिती कारखान्याचे कार्यकारी संचालक राजेंद्र चौगुले यांनी दिली. 
यावेळी उपाध्यक्ष प्रकाश पाटील, संचालक लक्ष्मण शिंदे, धनंजय चव्हाण चांगदेव घोगरे, भारत फुले, भिमराव काळे, बाबूराव पताळे, खातेप्रमुख, कामगार युनियन प्रतिनिधी व कर्मचारी वर्ग उपस्थित होते.