सलगर बुद्रुक (सोलापूर) : माजी आमदार कै. भारत भालकेंच्या अकाली निधनानंतर होत असलेल्या २५२ पंढरपूर मंगळवेढा विधानसभा मतदार संघाच्या पोट निवडणुकीच्या निमित्ताने मतदार संघामध्ये शांतता प्रस्थापित व्हावी, या उद्देशाने मंगळवेढा पोलिसांकडून रूट मार्चचे आयोजन करण्यात आले असल्याची माहिती मंगळवेढा पोलिस निरीक्षक जोतिराम गुंजवटे यांनी 'सकाळ'शी बोलताना दिली.
दरम्यान या रूट मार्चमध्ये ८० सी आर पी एफचे जवान, २० होमगार्ड, सहा अधिकारी व पाच ते सहा गाड्यांचा फौजफाटा अशा लवाजम्यासह या रूट मार्चचे आयोजन करण्यात आले होते.
मंगळवेढयातील बोराळे, नंदुर, बालाजी नगर, हुलजंती, सलगर खुर्द, सलगर बुद्रुक आदी गावामध्ये या रूट मार्चचे आयोजन करण्यात आले होते. पोलिस गाड्यांचा एवढ्या मोठ्या प्रमाणात फौजफाटा पाहून नागरिकांची धावपळ पहायला मिळाली. एवढ्या मोठ्या प्रमाणात पोलिसी लवाजमा पाहून कुठे काय भांडण वगैरे तर झाले नसेल ना, काय गंभीर घटना तर घडली नसेल ना? याबाबत उलट सुलट चर्चा नागरिकांमध्ये रंगली होती. परंतु निवडणुकीची प्रक्रिया शांततेत पार पाडावी, गावात भांडण तंटे होऊ नये, यासाठी नागरिकांमध्ये जागरुकता यावी म्हणून हा रूट मार्च असल्याचे पोलिसांकडून सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.