सोलापूर : ज्येष्ठ साहित्यिक, रंगकर्मी लक्ष्मीनारायण बोल्ली जीवनगौरव पुरस्कार हा सुशीला वनसाळे यांना तर ज्येष्ठ रंगकर्मी लक्ष्मीनारायण आकेन विशेष रंगकर्मी पुरस्कार सुहास मार्डीकर यांना देण्यात येणार असल्याची घोषणा शाखेचे अध्यक्ष विजय साळुंखे यांनी आज पत्रकार परिषदेत केली. या पुरस्काराचे स्वरूप रोख रक्कम, स्मृतिचिन्ह व मानपत्र असे आहे.

हे ही वाचा... उस्मानाबाद जिल्ह्यातील शेतकऱ्यांचे पंढरपुरात उपोषण

अखिल भारतीय मराठी नाट्य परिषदेच्या सोलापूर उपनगरीय शाखेने नाट्यक्षेत्रात उल्लेखनीय योगदान दिलेले आहे. सोलापूरची नाट्यचळवळ गतिमान व्हावी, मुंबई, पुण्याच्या धर्तीवर सोलापूरच्याही नाट्यपरंपरेचा गौरव व्हावा या दृष्टीने यावर्षी रंगकर्मीच्या स्मरणार्थ हे पुरस्कार देण्यात येणार आहेत.

हे ही वाचा... गड्डा यात्रेत स्वच्छता अभियानाला प्रबोधनाची जोड - `सकाळ`चा उपक्रम

हा पुरस्कार वितरण सोहळा सोहळा शनिवारी (ता. 1) डॉ. निर्मलकुमार फडकुले सभागृहात सायंकाळी सहा वाजता होणार असल्याचे श्री. साळुंखे यांनी सांगितले. या वर्षीच्या राज्यनाट्य स्पर्धेत व इतर स्पर्धेत पारितोषिक प्राप्त केलेल्या कलावंतांचाही गौरव करण्यात येणार असल्याचे त्यांनी सांगितले. 

या पत्रकार परिषदेप्रसंगी जयप्रकाश कुलकर्णी, राजासाहेब बागवान, प्रशांत शिंगे, कृष्णा हिरेमठ, राजा जाधव, शोभा बोल्ली, मीरा शेंडगे, अनुजा मोडक उपस्थित होते. 

यांना जाहीर झाले पुरस्कार 
- कल्पना काळे बालरंगकर्मी स्मृर्ती पुरस्कार ः तपस्या हिरेमठ 
- विष्णू संगमवार रंगकर्मी स्मृती पुरस्कार ः श्रावण डावरे 
- गौसभाई शेख रंगकर्मी स्मृती पुरस्कार : उमेश बटाणे 
- सुहास वर्तक रंगकर्मी स्मृती पुरस्कार : शांता येळंबकर 
- राजू मोडक रंगकर्मी स्मृती पुरस्कार : राजू मोहोळकर 
- महेश जोशी रंगकर्मी स्मृती पुरस्कार : अशोक किल्लेदार 
- आनंद कुलकर्णी रंगकर्मी स्मृती पुरस्कार : आशुतोष नाटकार 
- जितेश देडे रंगकर्मी स्मृती पुरस्कार : श्रीनिवास देशपांडे 
- आनंद तुळशीगार बालरंगकर्मी स्मृती पुरस्कार : वरद गोरे 
- प्रमोद खांडेकर रंगकर्मी स्मृती पुरस्कार : निशिगंधा कापरे