सोलापूर : करमाळा आणि माढा तालुक्यात विविध सिंचन प्रकल्पांच्या भूसंपादनापोटी शेतकऱ्यांना ३० कोटींहून अधिक निधी मिळाल्याची माहिती आमदार संजय शिंदे यांनी दिली. कुकडी प्रकल्पातील पोफळज, झरे, मोरवड, विहाळ येथील भूसंपादनासाठी १३ कोटी ५० लाख, माढा तालुक्यातील सीना माढा उपसा सिंचन योजनेतील टेंभुर्णी, कुर्डू गावातील भूसंपादनासाठी १६ कोटी ६५ लाख ११ हजार १३७ रुपये मिळाले आहेत.
गेल्या ३० वर्षांपासून रखडलेल्या कुकडी, दहिगाव आणि सीना माढा उपसा सिंचन योजनांच्या भूसंपादनासाठी आमदार शिंदे यांनी जलसंपदामंत्री जयंत पाटील यांच्याकडे सातत्याने पाठपुरावा केला होता. त्यानुसार निधी मिळाला आहे. यापूर्वी त्यांनी कुकडीसाठी २० कोटी, तर दहिगावसाठी ७ कोटी असा २७ कोटींचा निधी मिळवला आहे. करमाळा आणि माढा तालुक्यांसाठी या योजना महत्त्वाच्या आहेत. या दोन्ही तालुक्यांतील काही गावे परस्परांच्या मतदरासंघात येतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.