सोलापूर ः मुलींचा जन्मदर वाढावा व मुलींच्या शिक्षणासाठी भक्कम आर्थिक तरतूद व्हावी या उद्देशाने सुरु झालेल्या पंतप्रधान सुकन्या योजनेचा प्रतिसाद वाढू लागला आहे. सध्याच्या स्थितीत सर्वाधिक व्याजदर व आयकर सवलतीची ही योजना बनली आहे.
सर्व साधारणपणे आयकराची वार्षिक रकमेच्या तुलनेत ही गुंतवणूक केली तर ती आयकरमुक्त ठरते. त्यामुळे आयकरात जाणारी रक्कम या योजनेत गुंतवणे सोयीचे ठरत आहे. याशिवाय गुंतवणुकीच्या सोबत योजनेच्या रकमेवरील व्याज व परिपक्वता रक्‍कमदेखील आयकरमुक्त केली गेली आहे. त्यामुळे आयकराच्या सवलतीचे तिहेरी लाभ या योजनेला मिळत आहेत. त्यानंतर पूर्वी या योजनेत सुरवातीची गुंतवणुकीची रक्कम अधिक असायची. आता ही सुरवातीची गुंतवणुकीची रक्कम फक्त २५० रुपये एवढी झाली आहे. तसेच या योजनेतील व्याजाचे दर देखील सर्वाधिक आहेत.
ठळक बाबी
सर्वाधिक व्याज दर ७.६ टक्के
आयकराची तिहेरी सवलत
मुलीला वयाच्या १८ व्या वर्षी मोठ्या रकमेचा लाभ
सुरवातीची किमान गुंतवणूक २५० रुपयावर
"सोलापूर विभागात पंतप्रधान सुकन्या योजनेचा लाभ अधिकाधिक लाभार्थींपर्यंत पोहोचवण्यासाठी विशेष मोहीम हाती घेण्यात आली आहे. सोलापूर विभागात या मोहिमेत ८ हजार नवीन खाती उघडण्याचे उद्दीष्ट हाती घेण्यात आले आहे."
- ए. व्यंकटेश्‍वर रेड्डी, वरिष्ठ अधिक्षक, पोस्ट विभाग सोलापूर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.