करमाळा - करमाळा कृषी उत्पन्न बाजार समितीच्या पंचवार्षिक निवडणुकीत उमेदवारी अर्ज मागे घेण्याची प्रक्रिया सुरू असून दोन दिवसात 12 उमेदवारांनी आपले उमेदवारी अर्ज मागे घेतले आहेत.करमाळा कृषी उत्पन्न बाजार समिती बिनविरोध करण्यासाठी प्रयत्न सुरू असल्याची चर्चा सध्या सुरू आहे.

(लोकल ते ग्लोबल लेटेस्ट अपडेट मिळवा सकाळच्या व्हॉट्सअप चॅनेलवर फक्त एका क्लिकमध्ये)

करमाळा कृषी उत्पन्न बाजार समिती वरती बाजार समितीच्या स्थापनेपासून जगताप गटाचे वर्चस्व राहिले आहे. मागील पंचवार्षिक निवडणुकीत सभापती शिवाजी बंडगर यांनी बंडखोरी केल्याने जगताप गटाची सत्ता गेली होती. करमाळा कृषी उत्पन्न बाजार समितीची मागील पंचवार्षिक निवडणूक राज्यभर गाजली होती. या पंचवार्षिक निवडणुकीत

पुन्हा एकदा जगताप गटाची सत्ता येण्यासाठी सर्व गटाच्या नेतेमंडळींनी समंजस्याची भूमिका घेण्याचा घेण्याच्या मार्गावर असल्याची सध्या तालुक्यात चर्चा असून त्या दृष्टीने हालचाली सुरू असल्याचे बोलले जात आहे. या सर्व प्रक्रियेमध्ये आमदार रणजितसिंहमोहिते पाटील यांनी पुढाकार घेतले असल्याचेही सांगण्यात येत आहे. माजी आमदार तथा कृषी उत्पन्न बाजार समितीचे माजी सभापती जयवंतराव जगताप, माजी आमदार नारायण पाटील , बागल गटाचे नेते दिग्विजय बागल यांच्यामध्ये समन्वय साधण्यासाठी मोहिते पाटील प्रयत्न करत असल्याचे समजले आहे.

उमेदवारी अर्ज मागे घेणाऱ्यांमध्ये सर्व उमेदवार आमदार संजय शिंदे गटाचे आहेत. करमाळा कृषी उत्पन्न बाजार समितीची निवडणूक बिनविरोध करण्याच्या हालचाली सध्या वेगाने सुरू आहेत. आमदार संजय शिंदे गटाच्या उमेदवारांना आपले उमेदवारी अर्ज मागे घेण्यास सांगण्यात आले आहे.त्याप्रमाणे बुधवार व गुरुवार या दोन दिवसात 12 जणांनी उमेदवारी अर्ज मागे घेतले आहेत .उर्वरित शिंदे गटाचे उमेदवारी अर्ज ही मागे घेतले जाणार आहेत.

उमेदवारी अर्ज मागे घेतलेली नावे पुढीलप्रमाणे

सहकारी संस्था सर्वसाधारण मतदारसंघ : - १) सतीश शेळके (सावडी ) , २ ) सुजीत बागल (मांगी ) , ३ ) दत्तात्रय बदे (उमरड ) ; ग्रामपंचायत सर्वसाधारण मतदारसंघ :

४) विलास पाटील ( लव्हे ) , ५) किरण फुंदे ( लिंबेवाडी ) , ६ ) दत्तात्रय बदे ( उमरड ) , ७) चंद्रकात सरडे ( चिखलठाण ) , ८ ) आजिनाथ विघ्ने ( केत्तूर ) , ९) अमोल दुरंदे (राजुरी ) , १० ) निलेश एकाड (सावडी) ; ग्रामपंचायत आर्थिक दुर्बल मतदारसंघ : ११) आशीष गायकवाड ( देवळाली ) , १२) आदिनाथ मोरे ( रोशेवाडी )