विठ्ठल कारखान्यावरील कार्यक्रमात आमदार रोहित पवार यांचा आक्रमकपणा अनुभवायला मिळाला. पूर्वी अकलूजला असलेली चमक आणि धमक आता दिसत नसल्याचे सांगून त्यांनी मोहिते-पाटील यांना डिवचले.

आमदार रोहित पवार यांना उत्तर देण्यासाठी मोहिते-पाटील समर्थक सोशल मीडियावर सरसावले होते. सोलापूरच्या राजकारणात भाकरी फिरविण्याची वेळ आल्याचे आमदार पवार यांनी शरद पवार यांना आवर्जून सांगितले.

हे सांगण्याची सुरवात करताना त्यांनी सोलापूर लोकसभा मतदार संघात काँग्रेसकडे असलेल्या जागेवरीलही भाकरी फिरविण्याची वेळ आल्याचे सांगितले.

आमदार पवार यांनी यापूर्वी सोलापूर लोकसभेसंदर्भात केलेल्या वक्तव्यावर सोलापूरच्या राजकारणात काँग्रेस विरुद्ध राष्ट्रवादी असा संघर्ष झाला होता. कोण रोहित पवार, असा प्रश्‍न आमदार प्रणिती शिंदे यांनी विचारला होता.