सांगोला : ट्रकने कारला (Truck-Car accident) समोरून धडक दिल्याने झालेल्या भीषण अपघातात कार चालकासह दोन लहान मुलींचा मृत्यू (three died) झाला आहे. तसेच इतर नऊजण जखमीही झाले आहेत. ही घटना १ ऑगस्ट रोजी सायंकाळी सातच्या सुमारास कारंडेवाडी फाट्याजवळ घडली आहे.
पोलिसांच्या माहितीनुसार, या अपघातात चालक दाजीराम लक्ष्मण शिंगाडे (रा. उदनवाडी, ता. सांगोला) व प्रवासी कावेरी मनोज हरीजन (वय 7, रा. निरलगी, ता. ताळेकोटी, जि. विजापूर), गुड्डी चंद्रकांत मगिरी (वय 8, रा. कोंडगोडी, ता. जेवरगी, जि. गुलबर्गा) हे तीनजण गंभीर जखमी होऊन ठार झाले आहेत.
याबाबत अधिक माहिती अशी, १ ऑगस्ट रोजी सांयकाळी सात वाजण्याच्या सुमारास कार चालक दाजीराम लक्ष्मण शिंगाडे हा ओम्नी कारमधून उदनवाडी (झापाचीवाडी, ता. सांगोला) येथून तीन पुरुष, तीन महिला, सहा लहान मुलांना घेऊन सिंदगी (कर्नाटक) येथे जात होता. करांडेवाडी फाट्याजवळ उजव्या बाजूला असणाऱ्या सर्व्हिस रोडने जात असताना समोरुन भरधाव वेगात येणाऱ्या मालट्रकची कारला समोरुन जारदार धडक बसली.
ही धडक इतकी भीषण होती की, या अपघातात ओम्नी चालक शिंगाडे व प्रवासी कावेरी हरीजन, गुड्डी चंद्रकांत मगीरी हे गंभीर जखमी झाले, त्यानंतर त्याचा मृत्यू झाला. कारमधील इतर स्त्री, पुरुष व लहान मुले असे एकूण नऊजण जखमी झाले आहेत. तसेच कारचे मोठे नुकसान झाले आहे. मालट्रक चालकाविरुद्ध माणिक शिंगाडे (रा. उदनवाडी, ता. सांगोला) यांनी फिर्याद दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.