सोलापूर : राज्य सरकारच्या तिजोरीवरील कर्जाचा भार वाढतच असून 2019- 20 मध्ये अपेक्षित उत्पन्नात दरमहा तीन ते साडेतीन हजार कोटींची तूट सोसावी लागली आहे. त्यामुळे राज्य सरकारने यंदा 30 हजार कोटींचे कर्ज घेऊन महसुली खर्च भागवला आहे.
हेही नक्की वाचा : तरुणांनो खुशखबर...'एमपीएससी'ची पाच टप्प्यात भरती
मंदीमुळे यंदा 42 ते 45 हजार कोटींपर्यंत महसुली तूट
ऑक्टोबर 2016 मध्ये केंद्र सरकारने केलेली नोटबंदी आणि त्यानंतर देशात लागू केलेल्या वस्तू व सेवाकर या नव्या करप्रणालीमुळे मागील दोन वर्षात राज्य सरकारला आर्थिकदृष्टया कसरत करावी लागत आहे. त्यातच केंद्र सरकारकडून येणारा विविध करापोटीचे अनुदानही वेळेवर मिळत नसल्याचे चित्र आहे. 2013-14 मध्ये पाच हजार 81 कोटींची तर 2014-15 मध्ये 12 हजार 138 कोटींची, 2015-16 मध्ये पाच हजार 338 कोटी तर 2016-17 मध्ये आठ हजार 536 कोटी आणि 2017-18 मध्ये 14 हजार 843 कोटी तर 2018-19 मध्ये 15 हजार 375 कोटींची महसुली तूट सोसावी लागली. जागतिक मंदीमुळे यंदा सलग दहा महिन्यांपासून दरमहा तूट सहन करावी लागल्याने महसुली खर्च भागवण्यासाठी सरकारने 30 हजार कोटींचे बाहेरील कर्ज घेतले आहे. एप्रिल 2019 ते जानेवारी 2020 पर्यंत सरकारला दोन लाख 31 हजार कोटींचे महसुली उत्पन्न मिळाले, परंतु प्रत्यक्षात दोन लाख 63 हजार कोटींपर्यंत महसूल जमा होणे अपेक्षित होते. मंदीमुळे यंदा 42 ते 45 हजार कोटींपर्यंत महसुली तूट येईल आणि महसुली तूट पाहता नव्या कर्जमाफीसह अन्य नव्या योजनांसाठी आणखी 50 ते 60 हजार कोटींचे कर्ज काढावे लागेल, असेही वित्त विभागातील वरिष्ठ अधिकारी यांनी सांगितले.
हेही नक्की वाचा : अजितदादांनी दहा मिनिटात बोरामणी विमानतळासाठी दिले 10 कोटी
केंद्राकडील अनुदानाच्या रकमेसाठी पाठपुरावा
2019-20 मध्ये तीन लाख 14 हजार कोटींचे महसुली उत्पन्न अपेक्षित आहे. डिसेंबरअखेर दोन लाख 15 हजार कोटींचा महसुली जमा झाला आहे. दरमहा महसुलात घट झाली असल्यामुळे राज्य सरकारने 30 हजार कोटींचे बाहेरील कर्ज काढले आहे. आता मार्चमध्ये मोठा महसूल जमा होईल अशी आशा असून केंद्राकडील अनुदानाची रक्कमही मिळेल अशी अपेक्षा आहे.
- राजीव मित्तल, सचिव, वित्त
हेही नक्की वाचा : सोलापुरात प्रिसिजन संगीत महोत्सव : यंदा 'या' दिग्गज कलावंतांचा समावेश
राज्याची स्थिती
यंदाचे अपेक्षित उत्पन्न
3.14 लाख कोटी
जानेवारीपर्यंत महसुली जमा
2.31 लाख कोटी
जानेवारीपर्यंत अपेक्षित उत्पन्नात तूट
32,000 कोटी
दोन महिन्यात वसुलीचे उद्दिष्टे
83,000 कोटी
बाहेरील कर्जात यंदा वाढ
30,000 कोटी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.