अकलूज(सोलापूर) : पर्यावरणाच्या संरक्षणासाठी वृक्षारोपणाबरोबरच वृक्षसंवर्धन गरजेचे असून शंकरराव मोहिते महाविद्यालयाच्या पर्यावरण अभ्यास विभागाने वृक्ष संवर्धनाच्या नोंदीसाठी 'जीओटॅग ऍप' चा प्रभावीपणे वापर करून वृक्षसंवर्धनात एक पथदर्शी कार्य केले आहे. 

हेही वाचाः जिजाऊ ब्रिगेडच्या सोलापूर जिल्हाध्यक्षपदी उज्वला साळुंके, शहराध्यक्षपदी संजीवनी मुळे 

दिवसेंदिवस प्रदूषणात वाढ होत असून वाढत्या शहरीकरणामुळे व औद्योगिकरणामुळे झाडांची खुलेआम कत्तल होत आहे. पर्यावरणाचा समतोल टिकविण्यासाठी नवीन वृक्ष लागवड व संवर्धन करणे गरजेचे आहे. 

हेही वाचाः बार्शी टेक्‍स्टाईल मिल सहा महिन्यापासून बंद ; कामगारांवर उपासमारीची वेळ 

शासनाच्या वतीने प्रत्येक वर्षी वृक्ष लागवड करण्याचे धोरण अवलंबिले जाते. परंतु, त्यातील बऱ्याचशा वृक्षांची जोपासना होत नाही. काही संस्था व्यक्ती वृक्षारोपणाचे कार्यक्रम घेतात. परंतू संवर्धनासाठी काहीच करत नाही. परिणामी ही झाडे न वाढता जळून जातात. त्यासाठी वृक्ष संगोपन करणे गरजेचे आहे, हे लक्षात घेऊन शंकरराव मोहिते महाविद्यालयाच्या पर्यावरण आभ्यास विभागाने अधुनिक तंत्रज्ञानाचा वापर करण्याचे ठरविले. या विभागाचे प्रमुख प्रा. बाळासाहेब साळुंखे यांनी आपल्या विद्यार्थ्यांना पर्यावरण विषय शिकण्याबरोबरच पर्यावरण संवर्धनासाठी प्रत्यक्ष योगदान द्या, प्रत्येकाने एकतरी झाड लावून त्याचे संगोपन करा, असे आवाहन करीत गत वर्षी शुक्रवार (13सप्टेंबर2019) रोजी माळशिरस वनपरिक्षेत्र कार्यालयाच्या सहकार्याने महाविद्यालयातील शास्र, वाणिज्य व कला शाखेतील द्वितीय वर्षातील सुमारे 1000 विद्यार्थ्यांना प्रत्येकी एक रोप दिले आणि आपआपल्या शेतात अथवा घरपरीसरात लागवड करण्यास सांगितले. प्रत्येक विद्यार्थी झाड लाऊन त्याचे संगोपन करतो का, याच्या माहितीसाठी प्रत्येक विद्यार्थ्यास 'जीओटॅग ऍप' डाउनलोड करून लावलेल्या रोपाचा फोटो काढून आपलोड करण्यास सांगितले. त्यानुसार सर्व विद्यार्थ्यांनी फोटो अपलोड केले. त्याची नोंद महाविद्यालयातील संगणकावर घेण्यात आली. त्यानंतर सहा महिन्यानंतर फेब्रुवारी 2020 मध्ये सर्व विद्यार्थ्यांना परत त्या रोपांचे फोटो पाठविण्याबाबत अवाहन केले. त्यानुसार विद्यार्थ्यांनी आपआपल्या रोपांचे फोटो पाठविले. त्यानंतर बरोबर एक वर्षांनी सप्टेंबर 2020 च्या 1 तारखेनंतर सर्व विद्यार्थ्यांना फोटो पाठविण्याबाबत आवाहन करण्यात आले. त्यानुसार आज शनिवारी (ता.13) सुमारे 80 टक्के विद्यार्थ्यांनी आपआपल्या झाडांचे फोटो अपलोड केले आहेत. या उपक्रमास संस्थेचे अध्यक्ष जयसिंह मोहिते पाटील, संचालक संग्रामसिंह मोहिते पाटील, स्वरूपाराणी मोहिते पाटील, प्राचार्य डॉ. आबासाहेब देशमुख आदींचे मार्गदर्शन व सहकार्य लाभले. 

एैंशी टक्के रोपांचे चांगले संगोपन 
शुक्रवार ता. 13 सप्टेंबर 2019 रोजी सुमारे 1000 रोपांचे वाटप, 13 ते 20 सप्टेंबर 2019 पर्यंत विद्यार्थ्यांनी रोपाची लागवड करून जिओटॅग ऍपने फोटो पाठवले. त्यानंतर सहा महिन्यानी 15 ते 28 फेब्रुवारी 2020 पर्यंत रोपाच्या वाढीचे फोटो पाठवले. शनिवार (13 सप्टेंबर 2020) रोजी सुमारे 80 टक्के विद्यार्थ्यांनी आपआपल्या मोठ्या झालेल्या रोपांचे फोटो पाठविले आहेत.