अक्कलकोट(सोलापूर) : अक्कलकोट तालुक्‍यात आज सलग तिसऱ्या दिवशी मोठ्या प्रमाणावर कोरोनाबधित रुग्ण आढळले आहेत. त्यात अक्कलकोटला रॅपिड अँटीजन टेस्ट मधून 25 तर स्वॅब टेस्ट मधून 6 पॉझीटिव्ह रुग्ण आढळून आलेले आहेत, एकूण कोरोना पाॅझिटिव्ह रुग्णांची संख्या 31 झाल्याची माहिती तहसीलदार अंजली मरोड यांनी दिली आहे. 

हेही वाचाः एकाच रात्रीत चोरट्यांनी फोडली जिल्हा बॅंक अन मेडिकल दुकान 

आज सकाळी स्वॅब टेस्ट मध्ये पॉझीटिव्ह आढळलेल्या रुग्णांसाठी आज मिळालेल्या अहवालानुसार निगेटिव्ह अहवाल 61, कोरोनाबधित अहवाल 06, स्वॅब रद्द अहवाल 02,तर प्रलंबित अहवाल 01 यांचा समावेश आहे. 

हेही वाचाः सोलापूर जिल्ह्याच्या ग्रामीण भागात 59 नवे कोरोनाबाधित 

यानुसार मैंदर्गी 03,भोसगा 02 व नागनहळ्ळी 01 येथील रुग्णांचा समावेश आहे. तसेच आज घेतलेल्या 145 रॅपिड अँटीजन टेस्टमध्ये 25 पॉझीटिव्ह रुग्ण आढळून आलेले आहेत. ज्यात जेऊरवाडी (01), तडवळ (05),मैंदर्गी (05),संगोगी (आ) (01),किणी (03) असे ग्रामीण भागातील रुग्ण तर खासबाग (03) व भारत गल्ली (07) असे दहा रुग्ण आढळून आलेले आहेत. या प्रमाणे आज एकूण 31 पॉझीटिव्ह रुग्ण आढळून आलेले आहेत. 
आजपर्यंत तीन दिवसात एकूण 400 रॅपिड अँटीजन टेस्ट घेण्यात आले आहे त्यामधून एकूण 88 पॉझीटिव्ह रुग्ण आढळून आलेले आहेत. त्यामुळे शंकीत रुग्णांवर तातडीने इलाज करणे शक्‍य होत आहे. या टेस्टमूळे रुग्ण गंभीर स्थितीत जाण्याचे प्रमाण कमी होणार आहे. आता कोरोनाबधित रुग्णांचा फैलाव हा प्रत्येक ग्रामीण भागातील गावात पसरताना आणि वाढताना दिसत आहे. सगळ्यात जास्त रुग्ण हे अक्कलकोट शहरानंतर मैंदर्गी येथे आढळून आले आहेत. रुग्ण हा कोरोनाबधित होण्याअगोदर त्याचे विलगीकरण करणे त्याचे स्वॅब घेणे तसेच त्याचा अहवाल तीन दिवसानी येणे या गोष्टीत सहज आठवडा वेळ जायचा त्यामुळे त्यांच्या संपर्कातील लोकांना शोधून त्यांचा तपास करणे यात बराच वेळ जायचा पण आता या रॅपिड अँटीजन टेस्टने अगदी वेळेवर इलाज होण्यास मदत होत आहे 
 

संपादनः प्रकाश सनपूरकर