सोलापूर : सोलापूर जिल्ह्यातील एक हजार 236 मजुरांना घेऊन कुर्डूवाडीहून लखनऊला श्रमिक एक्‍स्प्रेस रवाना झाली आहे. तर राज्यभरातून आज गुरुवारी (ता. 14) 34 रेल्वेगाड्या परप्रांतीयांना त्यांच्या मूळगावी सोडण्यासाठी धावत आहेत. 

हेही वाचा ः अत्यवस्थ स्थितीत रुग्ण येत असल्याने मृतांची संख्या वाढली

पुणे ते रेवा (दुपारी 12 वाजता निघाली), सीएसएमटी ते गोंडा (दुपारी एक वाजता निघाली), कोल्हापूर ते प्रयाग (दुपारी एक वाजता निघाली), कुर्डूवाडी ते लखनऊ (दुपारी 2 वाजता निघाली), सीएसएमटी ते बांदा (दुपारी 2 वाजता निघाली), सीएसएमटी ते गोंडा (दुपारी 2 वाजता निघाली), एलटीटी ते जौनपूर (दुपारी 2 वाजता निघाली), एलटीटी ते बस्ती (दुपारी अडीच वाजता निघाली), एलटीटी ते वाराणसी (दुपारी 3 वाजता रवाना), नागपूर ते उधमपुर (दुपारी 3 वाजता रवाना), सीएसएमटी ते कलबुर्गी (दुपारी 3 वाजता निघाली), पनवेल ते दालतोगंज (दुपारी 3 वाजता निघाली), एलटीटी ते लखनऊ (दुपारी 4 वाजता निघाली), पुणे ते रेवा (दुपारी 4 वाजता निघाली), पनवेल ते लखनऊ (वाराणसी) (सायंकाळी 5 वाजता निघेल), सीएसएमटी ते लखनऊ (सायंकाळी 6 वाजता निघेल), कोल्हापूर ते प्रयाग (रात्री 7 वाजता निघेल), पुणे ते रेवा (रात्री 8 वाजता निघेल), मिरज ते रेवा (रात्री 8 वाजता निघेल), सीएसएमटी ते कटिहार (रात्री 8 वाजता निघेल), एलटीटी ते लखनऊ (रात्री 10 वाजता निघेल), मुंबई ते मुजफ्फरपुर (रात्री 10 वाजता निघेल), ठाणे ते मधुबनी (रात्री 11 वाजता निघेल), पुणे ते बरौनी (रात्री 11 वाजता निघेल), सातारा ते बस्ती (वेळ निश्‍चीत नाही), बांद्रा ते गोंडा (दुपारी 12 वाजता निघाली), बोरवली ते गोरखपूर (दुपारी 12 वाजता निघाली), वसई ते जौनपूर (दुपारी 2 वाजता निघाली), बांद्रा ते गोरखपूर (दुपारी 3 वाजता निघाली), बोरवली ते प्रतापगड (दुपारी 3 वाजता निघाली), बांद्रा ते गोरखपूर (सायंकाळी 6 वाजता निघेल), बोरवली ते गोंडा (सायंकाळी 6 वाजता निघेल), वसई ते सिंकर (रात्री 7 वाजता निघेल), बोरवली ते जौनपूर (रात्री 10 वाजता निघेल) अशा रेल्वेगाड्या धावणार आहेत.

हेही वाचा ः सोलापूर महापालिका आयुक्तांना शासनाकडे पाठविण्याचा प्रस्ताव

महाराष्ट्र सरकारने राज्यातील परप्रांतीयांची जिल्हानिहाय यादी केंद्रीय रेल्वेमंत्री व केंद्रीय गृह मंत्रालयाला काही दिवसांपूर्वी पाठवली आहे. त्यानूसार आता टप्प्याटप्प्यांमध्ये रेल्वे उपलब्ध होत आहेत. 

रेल्वेत 24 डब्यांत चौदाशे प्रवासी 
केंद्र सरकारने महाराष्ट्रातील परप्रांतीयांना त्यांच्या मूळगावी सोडण्याची परवानगी दिल्यानंतर त्यांच्यासाठी श्रमिक एक्‍सप्रेसची व्यवस्था करण्यात आली. आज (गुरुवारी) दुपारी 2 वाजता कुर्डूवाडीहून एक हजार 236 प्रवाशी घेऊन श्रमिक एक्‍सप्रेस लखनऊला रवाना झाली आहे. कुर्डूवाडीहून निघालेली ही रेल्वे थेट मनमाड येथे काही वेळ थांबेल. त्यानंतर ती लखनऊला पोहोचेल आणि तेथील राज्य सरकार त्या मजुरांची वैद्यकीय तपासणी करून त्यांच्या मूळगावी सोडण्याची व्यवस्था करेल. श्रमिक एक्‍सप्रेसशिवाय अन्य प्रवासी रेल्वेगाड्या 30 जूनपर्यंत धावणार नाहीत. 
- प्रदीप हिरडे, वरिष्ठ वाणिज्य व्यवस्थापक, सोलापूर रेल्वे