सोलापूरः जुळे सोलापूर भागातील अरुंद असलेल्या रेल्वे पुलावरील नागरी वाहतुकीसोबत व विजापूर, हैद्राबादकडे जाणारी माल वाहतूक वाढली आहे. त्यामुळे वाहतुकीचा पेचप्रसंग निर्माण झाला असून या वाहतुकीने परिसरातील नागरिकांना धडकी भरली आहे. जुळे सोलापूरमधील वाढती लोकसंख्या, नागरिकांच्या वर्दळीला हा रस्ता व पुल अपुरा पडू लागला आहे. त्यातच आंतरराज्य रस्त्याच्या वाहतुकीचा भार वाढल्याने ट्रॅफिक जाम व छोटेमोठे अपघाताला निमंत्रण मिळू लागले आहे. 

हेही वाचाः कर्जवसुलीसाठी अरेरावी, दमदाटी व वाहनजप्तीची कारवाई थांबवा 

अनेक यंत्रणाचा हा रस्ता व पुलाशी असलेला संबंध पाहता जुळे सोलापूरकरांचा जिव्हाळ्याचा प्रश्‍न एैरणीवर आला आहे. जुळे सोलापूरमधील आसरा चौकाला जोडणारा हा रेल्वे पूल आहे. 

हेही वाचाः महेश कोठेंनी विधानसभेलाच नाकारली अजितदादांची ऑफर 

या पुलाला दोन्ही बाजूने महत्वाचे रस्ते जोडलेले आहेत. मागील काही वर्षात जुले सोलापूरची लोकसंख्या व वसाहत मोठ्या प्रमाणात वाढली. शाळा, महाविद्यालये, बाजारपेठ, मॉल, भाजीमंडी या सारख्या अनेक गोष्टीसाठी नागरिक व विद्यार्थ्यांना हाच एक महत्वाचा रस्ता आहे. जुळे सोलापूरची लोकसंख्या लाखोच्या घरात चालली आहे. पुर्वी या भागात असलेल्या बोटावर मोजण्याइतक्‍या वसाहती आता शेकडोमध्ये वाढल्या आहेत. परिसरातील वसाहतींचे अंतर्गत या मुख्य रस्त्याला येऊन मिळतात. आसरा चौकातून पुढे शहरातील इतर भागाकडे जुळे सोलापूर जोडले जाते. हा पुल रेल्वे खात्याने बांधलेला आहे. रेल्वे केवळ रेल्वेवाहतूकीचा विचार करून पुलाला महत्व देते. पुलाच्या वर सुरू असलली वाहतूकीचा रेल्वेशी संबंध येत नाही. मात्र रस्ता हा दुपदरी असला तरी अरुंद पुलामुळे नेमके पुलावर ट्रॅपिक जाम होते. बांधकाम विभागाचा देखील होटगी रोडपर्यंत संबंध आहे.