सोलापूरः माझी नोकरी कुठे आहे? हा तरुणाईचा ज्वलंत सवाल घेऊन बेरोजगाराला रोजगार मिळालाच पाहीजे ही प्रमुख मागणी घेऊन भारताचा लोकशाहीवादी युवा महासंघ, डेमोक्रॅटिक युथ फेडरेशन ऑफ इंडिया (डी.वाय.एफ.आय.) संपूर्ण महाराष्ट्रात बेरोजगार युवकांची नोंदणी करून केंद्र व राज्य सरकारच्या विरोधात लढा उभाणार आहे अशी माहिती डी.वाय.एफ.आयचे जिल्हाध्यक्ष विक्रम कलबुर्गी यांनी दिली.
भारताचा लोकशाहीवादी युवा महासंघ, सोलापूर जिल्हा समितीच्या वतीने या नोंदणी अभियानाची सुरुवात शुक्रवारी (ता.11) करण्यात आली. त्याचे उदघाटन गोदुताई परुळेकर नगर येथे युवा महासंघाचे राज्य उपाध्यक्ष साथी अशोक बल्ला, जिल्हाध्यक्ष विक्रम कलबुर्गी व युवा महासंघाचे जिल्हा सचिव अनिल वासम यांच्या उपस्थितीत झाले.
यावेळी कोरोना साथीच्या आजारापूर्वीही बेरोजगारी साथीच्या रोगाप्रमाणे वेगाने पसरत होती. आता तर बेरोजगारीचा दर मोठ्या प्रमाणात वाढला आहे. नवीन रोजगाराची निर्मिती होत नाही. केंद्र आणि राज्य सरकार ने तरुणांना वाऱ्यावर सोडले आहे. सरकार, सार्वजनिक क्षेत्र व खासगी क्षेत्रातील नोकरभरती करावी. सर्व क्षेत्रातील रिक्त जागा जाहीर कराव्यात. ग्रामीण रोजगार हमी कायद्याची प्रभावी अंमलबजावणी करावी. नागरी रोजगार हमी योजना सुरू करावी. बेरोजगार तरुणांना नोकरी मिळेपर्यंत बेकारी भत्ता म्हणून रु.10,000 देण्यात यावे. अशा तरुणांच्या न्याय हक्काच्या मागण्या घेऊन ही मोहीम राबविण्यात येणार आहे. बेरोजगार आणि कंत्राटी तत्वावर कार्यरत असणाऱ्या नोकरीतील सर्व बेरोजगार युवक- युवतींनी महाराष्ट्र बेरोजगार नोंदणी या पोर्टलवर नोंदणी करावी. योग्य नोकरीची मागणी सक्तीने सरकारसमोर ठेवून लढा अधिक तीव्र केला जाईल असे त्यांनी सांगितले.
ही मोहीम येत्या 10 नोव्हेंबर 2020 पर्यंत राबविण्यात येणार आहे. यावेळी प्रातिनिधिक स्वरूपात 50 युवकांनी ऑनलाईन नोंदणी करण्यात आली. यावेळी जिल्हा सहसचिव दत्ता चव्हाण यांनी मनोगत व्यक्त केले. सुत्रसंचालन विजय हरसुरे यांनी केले. यावेळी बालकृष्ण मल्याळ, प्रशांत म्याकल,अप्पाशा चांगले, मधुकर चिलाळ, अकील शेख, नरेश गुल्लापल्ली, असिफ पठाण, विनायक भैरी, शाम आडम, भारत दिलपाके, दिनेश बडगू, प्रभाकर गेंट्याल, नानी माकम यांच्यासह युवा वर्ग मोठ्या संख्येने उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.