नरखेड (सोलापूर) : कोरोना संसर्गाची संपर्क साखळी तोडण्यासाठी शासन अहोरात्र प्रयत्नशील आहे. तरीही ग्रामस्थ मोकाटपणे फिरतच आहेत. पोलिस अनेक मोकाट फिरणाऱ्यांना काठ्यांचा प्रसाद देऊन "सांगा कुठे बसायचं घरात की जेलमध्ये' असे विचारत त्यांच्यावर गुन्हे दाखल करीत आहेत. 

हेही वाचा ः मुख्यमंत्र्याच्या कौतुकाने भारावले आराध्याचे कुटुंबीय 
मोकाट बहाद्दरांचे फिरणे बंद होत नाही याचा अर्थ नागरिकांना स्वतःची व कुटुंबाच्या जीवाची काळजी नाही असा होतो. राज्य व जिल्ह्याच्या सीमा लॉक असताना नरखेड परिसरात व मोहोळ तालुक्‍यात पुणे, मुंबईसह अन्य राज्यांतील नागरिक रात्री-अपरात्री चोरवाटेने येण्याचे प्रकार सुरूच आहेत. वाटेल ती रक्कम देऊन ही मंडळी गाव गाठत आहेत. तसेच आरोग्य खात्याला माहीती देण्याच्या एैवजी लपून छपून राहण्याचा प्रकार करीत आहेत. यातून ग्रामीण भागात संसर्गाचा धोका निर्माण होतो या कडे देखील कुणी लक्ष देण्यास तयार नाहीत. संसर्गाची मानवी संपर्क साखळी तोडण्यासाठी लॉकडाउन सुरू आहे. दरम्यान, प्रत्येकास घरातच थांबण्याच्या सूचना आहेत. त्यामुळे कोणाचाही संपर्क येणार नाही. त्यासाठी लॉकडाउन करण्यात आले आहे. 

हेही वाचा ः चॉकलेटला वाढली मागणी परंतू स्टॉकची कमी 
या शिवाय रात्री-अपरात्री जीवनावश्‍यक वस्तू वाहनातून ग्रामीण भागात येत आहे. त्यामुळे नव्या अवैध प्रवासी वाहतुकीला तोंड फुटले आहे. खासगी वाहतुकदारांनी प्रवास भाड्यातही तिपटीने वाढ केली आहे. ग्रामीण भागात कोरोनाचा शिरकाव झाल्यास मोठी प्राणहानी होण्याची भीती आहे. कोरोनाची संसर्ग साखळी तोडण्यासाठी गावागावात समित्या गठीत करण्यात आल्या आहेत. या समित्यांनी गावामध्ये बाहेरून कोण आले त्याची चौकशी होऊन आरोग्य यंत्रणेकडे माहीती देण्याची गरज आहे. पण प्रत्यक्षात समित्या तेवढ्या जागरूक झालेल्या नाहीत. 
एकीकडे हे प्रकार चालू असताना दुसरीकडे सोशल डिस्टन्स, गर्दी न करणे या सर्व नियमाची पायमल्ली केली जात आहे. घोळक्‍याने फीरणे व विनाकारण गर्दी करणे या मुळे पोलिस यंत्रणा देखील त्रस्त झाली आहे. नाईलाजांनी पोलिसांना काठ्यांचा प्रसाद दिला जात आहे. ग्रामीण भागाची हि स्थिती पाहुन पोलिस अधिक आक्रमक होणे जाणकाराकडून योग्यच मानले जात आहे.