सोलापूरः आषाढी सोहळा महाद्वार काला (प्रसाद) परंपरेने केल्यानंतर संत नामदेव महाराज वंशज पंढरपूर यांच्यावर दाखल केलेले गुन्हे मागे घ्यावेत अशी मागणी अखिल भाविक वारकरी मंडळाने केली आहे. 

हेही वाचाः कोरोनाने आम्हा महिलांच्या उत्साहावर विरजन टाकले...असे का म्हणताहेत महिला? वाचा 

श्रीक्षेत्र पंढरपूर येथे दरवर्षी आषाढी सोहळा महाद्वार काला (प्रसाद) परंपरेने केला जातो. त्याला अधिकृत परवानगी देऊन काला प्रसाद करणे ही शासनाची जबाबदारी होती. पण तसे न घडता परंपरा सांभाळण्यात यावी म्हणून नामदास महाराज व हरिदास महाराज यांनी काला केला. जमाव बंदी कायदा अंतर्गत पाच जणांवर गुन्हे दाखल केले आहेत. त्याचा तीव्र निषेध करत ते सर्व गुन्हे ताबडतोब रद्द करण्यात यावेत अशी मागणी निवेदनाद्वारे अखिल भाविक वारकरी मंडळाने केली आहे. 

हेही वाचाः खरिपासाठी 1 लाख 26 हजार शेतकऱ्यांनी उतरविला पीक विमा 

हे निवेदन ईमेलद्वारे मुख्यमंञी उध्दव ठाकरे, उपमुख्यमंञी अजित पवार, गृहमंत्री अनिल देशमुख व जिल्हाधिकारी मिलींद शंभरकर यांना पाठवण्यात आले आहे. मंत्री व अधिकारी फिरताना सोशल डिस्टन्स पाळतात का ? त्यांना नियम नाहीत का? लग्न, मयत ला 50 जणांना परवानगी असताना फक्त 50 जण आहेत हे कधी पाहिलं आहे का ? मग हे नियम वारकरी परंपरेला का, त्यामुळे वारकरी परंपरा मोडीत काढण्याचा मोठा कट असल्याचे वाटते. आता पर्यंतचे संतांचे योगदान विचारात घेऊन त्या अनुषंगाने असलेल्या परंपरेतील महाराज यांच्या वरील गुन्हे ताबडतोब रद्द करण्यात यावे ही नम्र विनंती. संपूर्ण महाराष्ट्रातील वारकरी रस्त्यावर उतरून तीव्र आंदोलन करतील त्याला सर्वस्वी जबाबदार प्रशासन व महाराष्ट्र शासन असेल. ह.भ.प.सुधाकर इंगळे महाराज, बळीराम जांभळे, बंडोपंत कुलकर्णी, नागनाथ पाटील, जिल्हाध्यक्ष जोतिराम चांगभले, शहराध्यक्ष संजय पवार, मोहन शेळके व सर्व पदाधिकारी यांनी ईमेल द्वारे हे निवेदन दिले. 
 
संपादनः प्रकाश सनपूरकर