पंढरपूर : पंढरपूर नगरपालिकेच्यावतीने सुमारे 27 कोटी रुपये खर्चून नामसंकीर्तन सभागृह बांधण्यात येत आहे. मात्र, कोरोनाच्या पार्श्‍वभूमीवर पाळण्यात आलेल्या लॉकडाउनमुळे सभागृहाचे बांधकाम सुमारे दोन महिने बंद ठेवण्यात आले होते. शासनाने मागील 3 मे रोजी बांधकामास परवानगी दिल्यानंतर सभागृहाचे बांधकाम सुरू करण्यात आले आहे, अशी माहिती नगरपालिकेचे मुख्याधिकारी अनिकेत मानोरकर यांनी दिली. 

हेही वाचा ः सोलापूरच्या ग्रामीण भागा कोरोना बाधितांची शंभरी
पंढरपूर शहरातील आदर्श शाळेलगतच्या पालिकेच्या प्रशस्त जागेत नामसंकीर्तन सभागृह उभारण्यात येत आहे. सध्या शहरात एकही सुसज्ज नाट्यगृह नसल्यामुळे नामसंकीर्तन सभागृहाची निमिर्ती सुरू आहे. पूर्वीच्या ठेकेदाराने बांधकाम थांबवल्याने हे काम अनेक महिने ठप्प झाले होते. त्यानंतर पालिकेने निविदा प्रक्रिया पुन्हा राबवून नवीन ठेकेदाराची नेमणूक केली होती. नवीन ठेकेदारानेही सभागृहाचे बांधकाम वेगाने सुरू केले. 
मात्र, बांधकाम सुरू करून काही दिवस झाले असतानाच राज्यात कोरोनाचा प्रभाव वाढल्याने लॉकडाउन सुरू करण्यात आला. त्यामुळे बांधकाम पुन्हा बंद पडले. शासनाने 3 मेपासून बांधकाम सुरू करण्यास परवानगी दिली. त्यानुसार सभागृहाचे काम पुन्हा सुरू करण्यात आले आहे. महाराष्ट्र