बेळगाव : मराठा लाईट इन्फंट्रीतील (एमएलआयआरसी) नाईक पदावर कार्यरत असलेला जवान बेपत्ता झाल्याची फिर्याद शुक्रवार (ता.3) कॅम्प पोलिस ठाण्यात दाखल झाली आहे.संदीप सुपाड पाटील (वय 32, मुळ रा. घर नंबर 72 पोस्ट कार्यालयानजिक कर्देकुर्दे ता. नंदुरबार राज्य महाराष्ट्र सध्या रा. नानावाडी बेळगाव) असे त्याचे नाव आहे.

हे पण वाचा- देशात राहायचे असेल तर आमचे ऐका

पत्नी दिपीका यांनी पोलिसात दिलेल्या फिर्यादीत म्हटले आहे की, पती संदीप हे एमएलआयरसीमध्ये नाईक पदावर कार्यरत असून त्याने गेल्या तीन महिन्यापासून खर्चाला पैसेच दिले नव्हते. त्यामुळे एटीएम कार्ड किंवा जॉइंट अकाउंटतरी काढून द्या म्हणून आपण त्यांच्याकडे तगादा लावला होता. पण, अद्यापही अकाउंट किंवा एटीएम काढून देण्यात आलेले नाही. यावरुच मंगळवार (ता.31) रात्री दोघामध्ये भांडण झाले. गुरुवारी (ता.2) दुपारी 2.30 च्या सुमारास संदीप एमएलआयरसीमध्ये जाउन येतो असे सांगून (दुचाकी क्रमांक एमएच 39 के 5914 )रागाने निघून गेले होते. ते अद्याप परतले नसल्याने सर्वत्र शोध घेउन अखेर पोलिसात फिर्याद देण्यात आली आहे. संदीप अंगाने सदृढ, गोल चेहरा, वर्ण गव्हाळी, डोकीवर काळेकेस असून 5.7 इंची उंची आहे. त्यांनी लाईट पिंक कलर शर्ट आणि कॉफी रंगाची पॅंट परिधान केली आहे. वरील वर्णनातील जवानाबद्दल कोणाला अधिक माहिती असल्यास त्यांनी कॅम्प पोलीस ठाणे 08312405234 या क्रमांकावर संपर्क साधावा असे आवाहन करण्यात आले आहे.