सांगली ः कवठेपिरान (ता. मिरज) येथे निवृत्ती महाराज इंदुरीकर यांचे किर्तन ऐकत असलेल्या वृद्धेच्या गळ्यातील बोरमाळ चोरट्याने हातोहात लंपास केली. 24 हजार रूपयांचे 46 मणी चोरीला गेले. आनंदाबाई श्रीपती यादव (वय 70) यांनी ग्रामीण पोलिस ठाण्यात फिर्याद दिली. त्यानुसार अज्ञाताविरोधात गुन्हा नोंद करण्यात आला आहे.
हे पण वाचा - चक्क...स्मशानातून वाळू चोरीचा प्रताप
पोलिसांनी दिलेली माहिती अशी, की कवठेपिरान (ता. मिरज) येथे हिंदकेसरी मारूती माने यांच्या जयंतीनिमित्त सोमवारी (ता. 24) किर्तनाचा कार्यक्रम आयोजित केला होता. किर्तनासाठी निवृत्ती महाराज इंदुरीकर (देशमुख) होते. त्यामुळे कवठेपिरानसह पंचक्रोशीतील भाविक मोठ्या संख्येने उपस्थित झाले होते. हायस्कूलसमोरील पटांगणात हा कार्यक्रम होता.
त्याठिकाणी आनंदाबाई यादव ही किर्तनासाठी गेल्या होत्या. पावणे नऊच्या सुमारास त्यांच्या गळ्यातील बोरमाळ चोरट्याने कापून काढून चोरून नेली. चोरीचा प्रकार निदर्शनास आल्यानंतर परिसरात शोधाशोध केली. त्यांना बोळमाळ मिळून आली नाही. अखेर त्यांनी ग्रामीण पोलिस ठाण्यात फिर्याद दिली. पोलिसांनी अज्ञाताविरोधात गुन्हा दाखल केला असून अधिक तपास केला जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.