कोगनोळी - बेळगाव (Belgaum) येथील विधानसभा अधिवेशनावर काँग्रेसतर्फे मोर्चा (Congress March) काढला होता. या मोर्चासाठी रॅली राष्ट्रीय महामार्गावरून जात असल्याने वाहनांची (Vehicle) जास्त गर्दी झाली होती. येथील गर्दी कमी करण्यासाठी राष्ट्रीय महामार्गावर असणाऱ्या कोगनोळी टोलनाक्यावर गुरूवारी (ता. १६) दुपारी १.३० ते २ वाजण्याच्या सुमारास वाहने रोखून धरण्यात आली.

कोगनोळी येथील नाका नेहमीच चर्चेचा विषय असतो. आता बेळगावजवळ गर्दी झाल्याने वाहनधारकांना ताटकळत रहावे लागले. सुमारे अर्धा तासाहून अधिक वेळ येथे वाहने अडवून ठेवली होती. त्यामुळे टोलनाक्यापासून जवळच असणाऱ्या महाराष्ट्र-कर्नाटक सीमेपर्यंत वाहनांच्या लांबच लांब रांगा लागल्या होत्या.

कोगनोळी पोलिस उपठाण्याचे सहाय्यक उपनिरीक्षक एस. ए. टोलगी म्हणाले, बेळगाव विधानसभा विधानसौधजवळ मोठी गर्दी झाल्याने या ठिकाणी वाहने अडविली आहेत. बेळगाव येथील वाहनांची गर्दी कमी झाल्यावर या ठिकाणची वाहने सोडली जातील. यावेळी पोलिस राजू गोरखनावर, एस. एच. गाडीवड्डर, एस. बी. आवटे उपस्थित होते.