बेळगाव : भावाला भेटण्यासाठी माहेरी आलेल्या बहिणीला दुर्दैवाने फासावर लटकलेला भावाचा चेहरा पाहावयास मिळाला. शुक्रवार (ता. १२) मच्छे येथे ही घटना घडली असून, विठ्ठल गंगापप्पा मऱ्याण्णावर (वय ३३) असे आत्महत्या केलेल्या तरुणाचे नाव आहे. घटनेची नोंद बेळगाव ग्रामीण पोलीस ठाण्यात झाली आहे.
याबाबत पोलिसांतून समजली अधिक माहिती अशी, विठ्ठल हा उद्यमबाग येथे औद्योगिक वसाहतीत कामाला जात होता. त्याला दारूचे व्यसन होते. तो मानसिक अस्वस्थ देखील बनला होता. आज दुसऱ्या कामाच्या शोधार्त तो घराबाहेर पडला होता.
दुपारच्या दरम्यान पुन्हा घरी आला व मी माडीवर जोपी जातो असे पत्नीला सांगून माडीवर गेला होता. यावेळी बहीण भाऊ विठ्ठल याला भेटण्यासाठी माहेरी आली. घरात प्रवेश केल्यानंतर तिने वहिनी विठ्ठल कुठे आहे? अशी विचारणा केली. त्यावर ते वरती झोपी गेले आहेत असे पत्नीने सांगितले.
वरच्या मजल्यावर भावाला भेटण्यासाठी गेलेल्या बहिणीला आपला भाऊ फासावर लटकलेल्या अवस्थेत दिसून आला. त्यामुळे तिने एकच आक्रोश केला. आत्महत्येची माहिती समजताच बेळगाव ग्रामीण पोलिसांनी घटनास्थळी भेट देऊन पंचनामा केला. जिल्हा रुग्णालयातील शव आगारात शल्यचिकित्सा करून मृतदेह नातेवाईकांच्या ताब्यात देण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.