बेळगाव : कोविड नियंत्रण, (covid -19) शाळा सुरु करण्यासह सीमाभागात विकेंड (weekend and night curfew) व नाईट कर्फ्यू जारी करण्याचा निर्णय मुख्यमंत्री बसवराज बोम्मई यांच्या अध्यक्षतेखाली बंगरुळला आयोजित बैठकीत आज (६) घेण्यात आला. काही दिवसांपासून निर्बंध शिथिल करून नाईट कर्फ्यू आणि विकेंड कर्फ्यू रद्द केल्याची घोषणा केली होती. परंतु आता पुन्हा निर्बंधांची घोषणा केली आहे. (belgaum update)

मुख्यमंत्री बोम्मई (cm bommai) यांच्या अध्यक्षेतखाली आज (ता.६) विविध विषयावर व्यापक चर्चा झाली. त्यानंतर महत्वाचे निर्णय जाहीर केले आहेत. त्यामध्ये शाळा दोन टप्प्यात सुरु (school start) करण्यात येतील, असे जाहीर केले आहे. येत्या २३ ऑगस्टला ९, १० आणि पीयूसी वर्ग सुरु केले जातील. कोविडचा प्रादुर्भाव लक्षात घेऊन ऑगस्ट अखेरला प्राथमिक व माध्यमिक शाळा सुरु करण्याबाबत निर्णय घेण्यात येतील, अशी माहिती देण्यात आली.

राज्यातील सीमावर्ती जिल्ह्यात नाईट कर्फ्यू रात्री ९ ते पहाटे ५ या वेळेत लागू करण्यात येणार आहे. त्यासोबत विकेंड कर्फ्यू असणार आहे. त्यामुळे शनिवारी आणि रविवारी विविध व्यवहार आणि कामकाजावर निर्बंध लादले जाणार आहेत. पण, त्याचे स्वरुप काय असणार आहे, हे अजून स्पष्ट नाही. याबाबतचा आदेश लवकर राज्य सरकारतर्फे घोषित केला जाणार आहे.