सोलापूर ः हाताची बोटे मागच्या बाजूला वाकवून मनगटावर टेकवणे तेही एका मिनिटांत 45 वेळा हे शक्‍य आहे का, असे विचारले तर अनेकांचे नकारार्थीच उत्तर येईल. मात्र सोलापुरात चैतन्य गणेश चन्ना या विद्यार्थ्याने हे साध्य केले असून, त्याची दखल एक्‍स्लुझिव्ह वर्ल्ड रेकॉर्ड संस्थेने घेतली आहे आणि तसे प्रमाणपत्रही त्याला दिले आहे. 

हेही वाचा - भात नको, अंडी द्या विद्यार्थ्यांची मागणी 

लहानपणापासूनच आहे सवय
येथील रेल्वे लाईन परिसरात राहणाऱ्या चैतन्य चन्ना याने एका मिनिटात 45 वेळा आपली बोटं मागच्या बाजूला वाकून हाताला स्पर्श करून एक्सलूझिव वर्ल्ड रेकॉर्ड आपल्या नावे केले आहे.  त्याचे शरीर लवचिक असून याचे शरीर लवचिक असून त्याला लहानपणापासुन आपली लवचिक बोटं हाताच्या मागच्या बाजूला वाकवून स्पर्श करण्याची सवय होती. तो येथील सेंट जोसेफ हायस्कूलमध्ये सहावीत शिकत आहे. 

हेही वाचा -    2022 मध्ये शरद पवार होणार राष्ट्रपती 

एका मिनिटांत 45 ते 50 वेळा करतोय स्पर्श
आपले एक बोट मागच्या बाजूला वाकत नाही मात्र चैतन्य चे चारही बोटं मागच्या बाजूला वाकतात. तसेच ते हाताला स्पर्श ही करतात आणि विशेष म्हणजे एकदा दोनदा नव्हे तर एका मिनिटांत 45 ते 50 वेळा करतो. हे पाहून त्याचे वडील प्रा. गणेश चन्ना यांनी संकेतस्थळावर अधिक माहिती घेतली. 

चला पाहूया चैतन्यचा विक्रम (VIDEO)

रेकॅार्डसाठी व्हिडीअो पाठविला बरेलीला
बरेलीमध्ये एक्‍स्लुझिव्ह वर्ल्ड रेकॉर्ड ही संस्था आहे. त्या संस्थेकडे प्रा. चन्ना यांनी चैतन्यचा व्हिडीअो पाठविला. संस्थेच्या प्रतिनिधींनी येऊन खात्री केली, साक्षीदारांच्या उपस्थितीत चैतन्य याचे प्रात्यक्षिक पाहिले आणि त्यानंतर त्याची कृती जागतिक विक्रमासाठी योग्य असल्याचा अभिप्राय देऊन तसे प्रमाणपत्र दिले. प्रमाणपत्र व पदक असे निवडीचे स्वरुप आहे. महाराष्ट्र