लोणावळा - लोणावळ्यात सध्या सुरु असलेल्या कोविड महासर्वेक्षण अभियानअंतर्गत दुसऱ्या टप्प्यात ८१ रुग्ण आढळले. नगरपरिषदेच्या वतीने एका दिवसात ४५४ संशयित रुग्णांचे नमुणे तपासण्यात आले. कोरोनाचा उद्रेकाच्या पार्श्वभूमीवर शासनाच्या वतीने कोविड नियंत्रण, मृत्युदर रोखण्यासाठी ‘माझे कुटुंब- माझी जबाबदारी' कोविड मुक्त महाराष्ट्र ही अभियान राज्यभरात सुरु आहे. नगरपरिषदेने सक्रीय सहभाग घेतला आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

स्थानिक नगरसेवक, पदाधिकारी, राजकीय पक्षांचे कार्यकर्ते, आशा वर्कर, शिक्षक, स्वयंसेवी संस्था, आरोग्य विभागाचे कर्मचारी आदी जवळपास सहाशे स्वयंसेवकांच्या मदतीने शहरातील सर्व प्रभागांमध्ये तपासणी मोहीम हाती घेण्यात आली आहे. पहील्या टप्प्यात नगरपरिषद हद्दीत ४० हजार २०५ रुग्णांची तपासणी करण्यात आली होती.

अंगावर धावणारी मोकाट कुत्री अन् तळीरामांचा त्रास; सांगा उद्यानात यायचे कसे?

दुसऱ्या टप्प्यात शहरातील कोरोनाचे हाॅट स्पाॅट असलेल्या भागात नागरिकांची ऑक्सीमिटर, टेम्परेचर गणच्या सहाय्याने तपासणी झाली. सहव्याधी असलेल्या रुग्णांचीही नोंद घेण्यात आली. नगराध्यक्षा सुरेखा जाधव, उपनगराध्यक्ष श्रीधर पुजारी, नगरपरिषदेचे मुख्याधिकारी रवी पवार आदींनी उपस्थिती लावत नागरिकांना आवाहन केले. झालावाडी कोविड केअर सेंटर येथील स्वॅब कलेक्शन सेंटरमध्ये १५२ पैकी ४४, रामनगर, भुशी येथे १०० पैकी ५, भांगरवाडी शाळा येथे ६५ पैकी १२, खंडाळा शाळा येथे १३७ पैकी २०  अशा संशयित रुग्णांची टेस्ट पाॅझिटीव्ह आली.

पेट्रोल पंपावर दरोडा टाकण्याच्या तयारीतील टोळी जेरबंद 

खासगी हाॅटेल्समध्ये कोरोना रुग्णांची सोय
लोणावळा परिसरात रुग्णसंख्या झपाट्याने वाढत आहे. नगरपरिषद हद्दीत झालावाडी कोविड केअर सेंटरसह संजिवनी रुग्णालयात कोविड रुग्णांवर उपचार करण्यात येतात. वाघाड सॅनोटोरीयम, समुद्रा मेरीटाईम इन्स्टिट्युटमध्ये सौम्य लक्षणे असलेल्या रुग्णांना ठेवण्यात येत आहे. भविष्यात रुग्णांची अडचण होऊ नये यासाठी शहरातील काही हाॅटेल्स ताब्यात घेत त्यात रुग्णांची सोय करण्यात येणार असल्याची माहीती नगराध्यक्षा सुरेखा जाधव, मुख्याधिकारी रवी पवार यांनी दिली.

Edited By - Prashant Patil