पिंपरी - पोलिसांनी आपल्यावर खोटा गुन्हा दाखल केल्याचा आरोप करत आपल्याला न्याय मिळावा, अशी मागणी करत खंडणीच्या गुन्ह्यातील आरोपीने पिंपरी - चिंचवड पोलिस आयुक्तालयात सोमवारी (ता. 31) सायंकाळी फिनेल पिऊन आत्महत्येचा प्रयत्न केला.
- पुण्याच्या बातम्या वाचण्यासाठी येथे ► क्लिक करा
अमित माणिक छाजेड (रा. पोर्टर चाळ, देहूरोड) असे फिनेल पिऊन आत्महत्येचा प्रयत्न करणाऱ्याचे नाव आहे. देहूरोड मुख्य बाजारपेठेतील व्यापाऱ्यांनी केलेले अतिक्रमण हटविण्यासाठी छाजेडने उपोषण सुरू केले होते. हे उपोषण मागे घेण्यासाठी अॅट्रॉसिटीचा गुन्हा दाखल करण्याची धमकी देत व्यापारी संघटनेकडून दोन लाख रुपयांची मागणी केली. याप्रकरणी छाजेडवर देहूरोड पोलीस ठाण्यात शुक्रवारी (ता. 28) खंडणीचा गुन्हा दाखल झाला.
मात्र, आपल्यावर खोटा गुन्हा दाखल केला आहे, असा आरोप करत छाजेड हा सोमवारी सांयकाळी पोलीस आयुक्तालयात आला. विशेष शाखेच्या कार्यालयात जाऊन त्याने आपल्याला न्याय मिळावा, अशी मागणी करत फिनेल पिऊन आत्महत्येचा प्रयत्न केला. अचानक घडलेल्या या प्रकारामुळे पोलिसांची धावाधाव झाली. पोलिसांनी त्याला तातडीने पिंपरीतील खासगी रुग्णालयात दाखल केले.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.