हिंजवडी : सध्या हिंजवडी आयटी परिसरातील गावांमध्ये कोरोनाबाधित रुग्णांची संख्या झपाट्याने वाढत आहे. या पार्श्वभूमीवर हिंजवडी ग्रामपंचायतीने गावातून विना मास्क फिरणाऱ्या पादचारी व वाहनचालकांवर दंडात्मक कारवाई करून दहा हजारांचा दंड वसूल केल्याची माहिती ग्रामविकास अधिकारी टी. व्ही. रायकर यांनी दिली.
हिंजवडीतील शिवाजी चौक परिसरात ही मोहीम राबविण्यात आली. मास्क न लावणाऱ्या प्रत्येक व्यक्तीकडून 500 रुपये दंड आकारला असून, 20 जणांवर ही कारवाई केली. दरम्यान, शुक्रवारी (ता. १०) मुळशी तालुक्यात 17 कोरोनाबाधित रुग्णांची नोंद झाली आहे. यामध्ये आठ पुरुष व नऊ स्त्रियांचा समावेश आहे. तालुक्यातील एकूण रुग्णांची संख्या 187 असून, एका 73 वर्षाच्या पुरुषाचा औंध येथील जिल्हा उपरुग्णालयात मृत्यू झाला.
तालुक्यातील आतापर्यंत एकूण मृत्यू झालेली रुग्ण संख्या तीन असून, अद्यापही दोन जण गंभीर आहेत, अशी माहिती तालुका आरोग्य अधिकारी डॉ. अजित कारंजकर यांनी दिली. शुक्रवारी मिळालेल्या 17 रुग्णांमध्ये मारुंजी मधील तीन पॉझिटिव्ह रुग्णांचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.