पिंपरी : जुन्या भांडणाच्या रागातून चौघांनी मिळून घरावर दगडफेक केली. त्यानंतर घरात शिरून घरातील साहित्याची तोडफोड करीत महिलेवर प्राणघातक हल्ला केला. ही घटना चिंचवड येथे घडली.
संतोष पवार (वय 42), सागर राऊत (वय 30), सागर कोकरे (वय 29), सूरज राऊत (वय 25, सर्व रा. कुंभारगल्ली, दत्तनगर, चिंचवड) या आरोपींवर गुन्हा दाखल झाला. याप्रकरणी आनंद ऊर्फ बालाजी भाऊराव दिवटे (वय 40, रा. रामनगर, कुंभारगल्ली, दत्तनगर, चिंचवड) यांनी फिर्याद दिली. फिर्यादी यांच्या पत्नी मीना दिवटे (वय 35) या गंभीर जखमी झाल्या आहेत. जुन्या भांडणाचा राग मनात धरून आरोपींनी फिर्यादीच्या घरावर दगडफेक केली.
सागर राऊत व सागर कोकरे यांनी घरात घुसून फिर्यादीस शिवीगाळ करीत घरातील साहित्याची तोडफोड करून फिर्यादीच्या पायावर चाकूने वार केला. तसेच, आरोपी सागर राऊत याने फिर्यादी यांची पत्नी मीना दिवटे यांचे केस पकडले. तर सागर कोकरे याने 'आज तुला जिवंत सोडत नाही' असे म्हणत मीना यांच्या पोटात चाकूने वार करीत प्राणघातक हल्ला केला. पिंपरी पोलिस अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.