वडगाव मावळ : श्री शिवाजी रायगड स्मारक मंडळ संचलित लोहगड-विसापूर विकास मंच व राष्ट्रीय स्वयंसेवक संघ जनकल्याण समिती यांच्या वतीने लोहगडावर शिवराज्याभिषेक दिन साजरा करण्यात आला. कोरोनाच्या पार्श्वभूमीवर लोहगड-विसापूर गड परिसरातील गरजू कुटुंबांना जीवनावश्यक वस्तूंचे वाटप करण्यात आले.

ताज्या बातम्यांसाठी डाऊनलोड करा ई-सकाळचे ऍप 

शिवराज्यभिषेक दिनानिमित्त लोहगड येथील शिवस्मारकावर पुष्पहार अर्पण करून अभिवादन करण्यात आले. सामाजिक बांधिलकी जपत लोहगड, मालेवाडी, धालेवाडी, महागाव, मळवली येथील गरीब व गरजू कुटुंबांना जीवनावश्यक वस्तू व अन्नधान्याचे वाटप करण्यात आले. यावेळी सोशल डिस्टन्सिंग व इतर सर्व काळजी घेण्यात आली होती.

बेरोजगार तरुणांनो सावधान! 'एसएमएस गँग'ने फेकलंय जाळे

याप्रसंगी गणेश धानिवले, रमेश बैकर, राजू शेळके, शंकर चिव्हे, बाळासाहेब जाधव, अतुल बालघरे, तुकाराम बैकर आदी उपस्थित होते. मंचाचे संस्थापक सचिन टेकवडे, विश्वास दौंडकर, संदीप गाडे, सागर कुंभार, सचिन निंबाळकर, चेतन जोशी, अमोल गोरे, अनिकेत आंबेकर, अजय मयेकर आदिंनी संयोजन केले. मंचाच्या वतीने गेली २० वर्षे लोहगड विसापूर किल्ल्यांचे गडसंवर्धन व विविध सामाजिक उपक्रम राबविले जात आहेत. 

Video : निसर्ग वादळाचा तडाखा; पाच दिवसांपासून ते झाड अद्याप पडूनच

किल्ले तिकोणागडावर शिवराज्याभिषेक दिन साजरा...         

वडगाव येथील गडभटकंती दुर्गसंवर्धन संस्थेच्या वतीने तिकोना किल्ल्यावर शिवराज्याभिषेक दिनाचा सोहळा विविध कार्यक्रमांनी साजरा करण्यात आला.
 गडावरील देवता वेताळ महाराज, चपेटदान मारूतीराय, तळजाई माता, वितंडेश्वर यांचे पुजन करण्यात आले. वितंडेश्वर मंदिरात छत्रपती शिवाजी महाराज यांच्या प्रतिमेस पुष्पहार घालून पुजन करण्यात आले. आरती व शिववंदना घेण्यात आली. उपस्थितांना बुंदीचे वाटप करण्यात आले. गडावर नवीन भगवा ध्वज लावण्यात आला. गडभटकंती दुर्गसंवर्धन संस्थेचे विश्वनाथ जावळीकर, सतिश मोहोळ, गुरूदास मोहोळ, किरण चिमटे, विनायक हिरे आदी उपस्थित होते. 

पिंपरी चिंचवडच्या बातम्या वाचण्यासाठी येथे ► क्लिक करा