लोणावळा : पुणे-मुंबई द्रुतगती मार्गावर बोरघाटात खोपोली हद्दीत भरधाव कंटेनर ब्रेक निकामी झाल्याने झालेल्या अपघातात क्लीनरचा जागीच मृत्यू झाला. सुरज बघेल (वय-२७, रा.मदायन,ता.भेंड) असे मृताचे नाव आहे.
महामार्ग पोलिसांनी दिलेल्या माहितीनुसार, पुण्याहून मुंबईच्या दिशेने भरधाव जाणाऱ्या कंटेनरचे (एचआर ४७ सी ३६३०) आज (बुधवार) पहाटे पाच वाजण्याच्या सुमारास बोरघाटात खोपोली हद्दीत अंडा पॉइंटजवळ तीव्र उतार व वळणावर ब्रेक्स निकामी झाले.
दरम्यान, चालकाचे वाहनावरील नियंत्रण सुटल्याने कंटेनर महामार्गालगत उलटला. कंटेनरखाली दबल्याने सुरज बघेल याचा जागीच मृत्यू झाला. घटनेची माहिती मिळताच बोरघाट दस्तुरी महामार्ग पोलीस मदत केंद्र, आयआरबीचे कर्मचारी घटनास्थळी दाखल होत मदतकार्य सुरू केले.
पोलिसांनी अपघातास कारणीभूत ठरलेल्या कंटेनरचालक राजू भंवरसिंह बघेल (वय-३२, रा. रुबाली, ता. आरेल, सुगावली रोड, जि.भेंड) याच्यावर गुन्हा दाखल केला आहे.
(Edited by : Sagar Diliprao Shelar)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.