पिंपरी - कोयत्याने केक कापून वाढदिवस साजरा करणे दोघांना चांगलेच महागात पडले. बर्थडे बॉय आणि त्याच्या मित्रावर गुन्हा दाखल केला असून बर्थडे बॉयच्या मित्राला पोलिसांनी अटक केली आहे. ही घटना दापोडी गावात घडली.
- पुण्याच्या बातम्या वाचण्यासाठी येथे ► क्लिक करा
समीर सियाज बागसिराज (वय 20, रा. दापोडी), सोहेल शेख (रा. दापोडी) अशी गुन्हा दाखल झालेल्यांची नावे आहेत. यापैकी समीर याला पोलिसांनी अटक केली आहे. याप्रकरणी पोलिस शिपाई सागर आनंद जाधव यांनी भोसरी पोलिस ठाण्यात फिर्याद दिली आहे. शनिवारी (ता. 5) आरोपी सोहेल याचा वाढदिवस होता. मित्राचा वाढदिवस साजरा करण्यासाठी आरोपी समीर याने नियोजन केले होते.
शनिवारी रात्री दहाच्या सुमारास दापोडी गावातील पीएमपीएमएल बस थांब्यासमोर दोघांनी मिळून लोखंडी कोयत्याने केक कापून वाढदिवस साजरा केला. कोयत्याने केक कापून आरोपींनी हत्यार प्रदर्शन करत परिसरात दहशत पसरवली. त्यामुळे सोहेल आणि मित्र समीर या दोघांवर भोसरी ठाण्यात गुन्हा दाखल करण्यात आला आहे. अधिक तपास सुरू आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.