पिंपरी : पिंपरी गावातील पॉवर हाऊस चौक ते अशोक टॉकीजपर्यंतच्या रस्त्यावर जलनिस्सारण वाहिनी टाकण्यासाठी खोदाई करण्यात आली आहे. मात्र, हे काम अर्धवट स्थितीत सोडल्याने रस्त्यावर मधोमध मोठे खड्डे पडले आहेत. येत्या काही आठवड्यात पावसाला सुरुवात होणार आहे. त्यामुळे रस्त्याची अवस्था आणखी वाईट होणार असल्याने हे काम त्वरीत मार्गी लावावे, अशी मागणी स्थानिक नागरिकांनी केली आहे. 

ताज्या बातम्यांसाठी डाऊनलोड करा ई-सकाळचे ऍप

महापालिकेच्या 'ग' क्षेत्रीय कार्यालयामार्फत टाळेबंदी लागू होण्यापूर्वी मार्च महिन्यात अमृत योजनेमधून पॉवर हाऊस चौक ते अशोक टॉकीजपर्यंतच्या रस्त्यावर जलनिस्सारण वाहिनी टाकण्याचे काम हाती घेण्यात आले. मात्र, टाळेबंदी लागू झाल्यानंतर हे काम अधर्वट पडले. रस्त्यावर बऱ्याच ठिकाणी भूयारी गटारांचे बांधकाम पूर्ण झाले आहे. परंतु, एके ठिकाणी बांधकाम खचल्याच्या स्थितीत आहे. येत्या काही आठवड्यानंतर पावसाळा सुरू होणार आहे. त्यामुळे रस्त्याची अवस्था आणखी बिकट होईल. वाहतूकीसाठी हा रस्ता अतिशय धोकादायक झाला असून, रात्रीच्या वेळेस रस्त्यातील खड्डे आणि उंचवटे वाहनचालकांच्या लक्षात येत नाहीत. त्यामुळे बरेचसे दुचाकी चालक घसरून जखमी झाले आहेत. 

Video : स्वत:चे प्राण गमावून वाचविला मालकाचा जीव; कशी घडली ही दुर्दैवी घटना...वाचा

एखादे मोठे वाहन वा बस या रस्त्यावरून आल्यास वाहतूक कोंडी होते. त्याने वाहनचालकांमध्ये वादावादीचे प्रसंगही घडले आहेत. या रस्त्यावर पादचाऱ्यांनाही जीवमुठीत धरून चालावे लागते. तरी या रस्त्यावर गंभीर दुर्घटना घडण्याची वाट न पहाता संबंधित अधिकाऱ्यांनी त्याचे दुरुस्तीकाम लवकर पूर्ण करावे, अशी मागणी स्थानिक नागरिकांनी केली आहे. 

पिंपरी चिंचवडच्या बातम्या वाचण्यासाठी येथे ► क्लिक करा

पुण्याच्या बातम्या वाचण्यासाठी येथे ► क्लिक करा 

पालिकेच्या जलनिस्सारण विभागाशी संपर्क केला असता टाळेबंदीमुळे हे काम बंद होते. येत्या दोन दिवसांत हे काम सुरू करता येईल काय? या बाबत परवानगी घेत आहोत. तशी परवानगी मिळाल्यावर काम सुरू करता येईल, असे अधिकाऱ्यांनी सांगितले.