पिंपरी ः रहाटणी, पिंपळे सौदागर आणि वाकडच्या काही भागांत वीजपुरवठा अजूनही विस्कळीतच आहे. त्याने, वर्क फॉम होम बरोबरच आता शालेय विद्यार्थ्यांच्या ऑनलाईन शिक्षणावरही विपरित परिणाम होत आहे. हिंजवडी आयटी पार्कमधील कंपनीने वीज नसेल तर रजा घ्या आणि कुटूंबासमवेत वेळ घालवा असा फतवा काढला आहे.
मागील काही दिवसांपासून रहाटणी, पिंपळे सौदागर, ताथवडे आणि वाकडच्या काही भागांतील विस्कळीत वीजपुरवठ्याची समस्या अजूनही कायम आहे. या भागांत हिंजवडी, ताथवडे आयटी पार्कमधील असंख्य कर्मचारी वास्तव्यास आहेत. सध्या आयटी क्षेत्रामध्ये "वर्क फ्रॉम होम' चालू आहे. त्याचबरोबरीने, अनेक शालेय विद्यार्थ्यांच्या शाळा ऑनलाईन सुरु झाल्या आहेत. मात्र, या भागांतील वीजपुरवठा वारंवार खंडित होत असल्याने विद्यार्थी-पालक दोन्हीही पुरते हैराण आहेत.
रहाटणी कॉर्नर येथील पार्क रॉयल सोसायटीचे सचिव उदय साबदे म्हणाले,""आमच्या भागांत वीजपुरवठा खंडित होणे ही नित्याची बाब झाली आहे. त्यामुळे, वाय-फाय मिळत नाही. इंटरनेटवरही परिणाम होतो. काही शाळांनी त्यांचा ऑनलाईन अभ्यासक्रम सुरु केला आहे. मात्र, त्यातही विस्कळीत वीजपुरवठ्याने अडथळे येत आहेत.''
रहाटणी येथील निसर्ग हार्दिक सोसायटी (फेज-2)चे कार्यकारिणी सदस्य उमेश देसले म्हणाले,""बळीराम कॉलनी परिसरात मंगळवारी दिवसभरात 3 ते 4 वेळा वीज गेली. त्यानंतर रात्री वीजपुरवठा खंडित झाला. तो सकाळी 7.30 वाजता सुरळीत झाला. आज बुधवारी सकाळी 9 वाजता परत वीज गेली. त्यामुळे, जादा वेळ काम करावे लागते. वीजपुरवठा सातत्याने खंडित होत असल्याने माझ्या हिंजवडी येथील आयटी कंपनीने रजा घेण्याच्या आम्हाला सूचना केल्या आहेत.''
पुण्याच्या बातम्यांसाठी येथे क्लिक करा
ताथवडे येथील 33 माईल्डस्टोन सोसायटीच्या शीतल ठक्कर म्हणाल्या,""आमच्याकडे 2 ते 3 तास वीज जात आहे. बुधवारी सकाळपासून 4 वेळेस वीजपुरवठा खंडित झाला. इंटरनेट बंद पडत आहे. त्यामुळे, महावितरणने त्वरीत लक्ष घालून वीजपुरवठा नियमितपणे सुरळीत ठेवावा.''
महावितरणच्या पिंपरी विभागाचे कार्यकारी अभियंता शिवाजी वायफळकर म्हणाले, "महापालिकेने खोदाई केल्याने पिंपळे सौदागर येथे वीजवाहिन्यांचे नुकसान झाले होते. मात्र, तेथील वीजपुरवठा आता सुरळीत झाला आहे. ताथवडे येथील वीजपुरवठा सुरळीत राहील यावर लक्ष दिले जाईल.''
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.