पिंपरी : दहावी-बारावी उत्तीर्णांसाठी सुवर्णसंधी! आठ तास काम,
वीस हजार पगार, प्रॉव्हिडंट फंड, निवास-भोजनाची मोफत व्यवस्था, कामावर जाण्या-येण्यासाठी कंपनीची बस सुविधा, दररोज तीनशे रुपये लॉकडाऊन अलाऊन्स, ओव्हरटाईमचे वेगळे पैसे, पाच दिवसांचा आठवडा...असे शेकडो मेसेज मोबाईलवर फिरत आहेत; मात्र सावधान. कारण बेरोजगार तरुण-तरुणींसाठी 'एसएमएस गॅंग'ने फेकलेले हे जाळे आहे. यात अडकला तर आर्थिक, मानसिक व शारिरिक शोषण
होण्याची दाट शक्‍यता आहे. परप्रांतीय श्रमिक गावी गेल्यामुळे नोकरीचे आमिष दाखवले जात आहे.

ताज्या बातम्यांसाठी डाऊनलोड करा ई-सकाळचे ऍप

कोरोनाच्या धास्तीने आणि उद्योगधंदे बंद पडल्याने परप्रांतीय श्रमिकांनी आपापल्या राज्याचा मार्ग धरला आहे. आता सरकारच्या सुचनांनुसार कंपन्या सुरू झाल्या आहेत. परंतु अकुशल व अर्धकुशल कामगारांची कमतरता भासू लागली
आहे. याच संधीचा फायदा घेवून "एसएमएस गॅंग' उगवल्या आहेत. या टोळीच्या विनाभांडवली धंद्यात पाच-सहा ओळींचा एक आकर्षक मेसेज एवढीच गुंतवणूक असते. किमान दहावीपासून इंजिनिअरपर्यंतच्या नोकऱ्या आमच्याकडे उपलब्ध असे यात सांगितले जाते. तसेच शिक्षणाच्या पात्रतेपासून पगाराचे किती पॅकेज व कोणकोणत्या सुविधा अशी भूलविणारी माहिती घातली जाते. यातून शहराचे आकर्षण आणि रोजगाराची आशा यामुळे बेरोजगारांची यात फसगत होते.

पुण्याच्या बातम्या वाचण्यासाठी येथे ► क्लिक करा

गेल्या दोन वर्षांत केवळ पिंपरी-चिंचवड, चाकण, रांजणगाव, तळेगाव अशा औद्योगिक परिसरातील 22 टोळ्यांवर पोलिसांनी कारवाई केली होती. त्यामुळे हा प्रकार पूर्ण थांबला होता. मात्र, पुन्हा असे मेसेज व्हॉटस्‌ऍपवर फिरू लागले आहेत.
-----------------------------

अशी केली जाते फसगत...

- मेसेजवर केवळ आकर्षक पगार व सुविधा आणि संपर्क क्रमांक. यात कंपनीचे नाव किंवा वेबसाईट याचा उल्लेख नसतो
- गरजूकडून मेल ऐवजी व्हॉटस्‌ऍपवर कागदपत्रे मागवून घेणे
- दोन दिवसांनी नोकरी मिळाली आहे, मुलाखतीला या असा मेसेज पाठवणे

पुण्याच्या बातम्या वाचण्यासाठी येथे ► क्लिक करा

- मुलाखतीचे ठिकाण कंपनीऐवजी कोणतेतरी गाव किंवा तात्पुरते उभारलेले ऑफिस
- उमेदवाराकडून मुळ आधारकार्ड, शैक्षणिक कागदपत्रे ताब्यात घेणे
- पाच-सहा गरजू जमा झाल्यावर गाडीत घालून लांबून कंपनी दाखविली जाते
- कंपनीसोबत करारासाठी दहा ते बारा हजारांची मागणी. पैसे मिळाले की गणवेश, बुटासाठी पुन्हा मागणी
- नोकरी नको असे म्हणणाऱ्यांना मूळ कागदपत्रे देण्यासाठी पैसे घेतले जातात
----------------------------
- नोकरी आणि प्रत्यक्षातील नोकरी यात प्रचंड तफावत असते. मध्यम किंवा लघू कंपन्यांना साहित्य पुरविणारा हा छोटा उद्योग असतो. पोस्ट मॅनेजरची; मात्र हमालीची कामे लावली जातात. कोणताही करार केला जात नाही. दहा ते बारा तास काम करावे लागते. भोजन व निवास व्यवस्था म्हणजे निकृष्ट जेवण
आणि एक साधी खोली असते. त्यामुळे एका महिन्यात हा जॉब सोडला जातो. आपण
फसलो आहोत या भावनेमुळे कोणी पोलिसात तक्रार करत नाही.
--------------------------------
ही घ्या काळजी...

- स्वत:ची शैक्षणिक पात्रता, कौशल्य पहा आणि पगार किती मिळू शकतो यावर
स्वत:लाच अजमावा
- सोशल मीडियावर फिरणाऱ्या किंवा कर्णोपकर्णी समजणाऱ्या नोकरी संधी माहितीवर विश्‍वास ठेवू नका
- थेट कंपनीची वेबसाईट पहा, एचआर विभागाशी मेलव्दारे संपर्क साधा
- नोकरी कोणत्याही मध्यस्थीमार्फत मिळविण्याचा प्रयत्न करू नका, तसेच
त्यासाठी पैसे देवू नका
-----------------------
अधिकृत नोकरी अशी मिळते...

- कोणतीही कंपनी कामगार भरतीसाठी त्यांचे अधिकृत संकेतस्थळ किंवा कंत्राटी कामगार पुरवठादार किंवा कॅम्पस इंटरव्हू याचा वापर करते
- कंपनी आवारात प्रशासन विभागाकडून कागदपत्रे तपासणी, मुलाखत आणि कौशल्य चाचणी, शारिरिक तंदुरूस्ती घेतली जाते.

पुण्याच्या बातम्या वाचण्यासाठी येथे ► क्लिक करा

- पगार, सुविधा याविषयी कागदोपत्री करार होतो. त्यासाठी इ-मेलचा वापर होतो. कोणताही व्यवहार तोंडी होत नाही
- नोकरीसाठी पैसे घेतले