पिंपरी : लॉकडाऊनमुळे मंदिरे बंद असल्याने गुरव समाजाच्या प्रत्येक कुटुंबाला महिन्याला दहा हजार रुपये द्यावेत, विद्यार्थ्यांची चालू शैक्षणिक शुल्क माफ करावे, मंदिर स्वच्छतेसाठी पाच हजार रुपये द्यावेत, असे साकडे राष्ट्रीय गुरव समाजाचे प्रदेशाध्यक्ष प्रताप गुरव यांनी मुख्यमंत्री उद्धव ठाकरे यांना घातले आहे. 

- लॉकडाउनमध्येही 'आरटीओ' मालामाल; तिजोरीत जमा झाली एवढी गंगाजळी!

यासंदर्भात प्रताप गुरव यांनी मुख्यमंत्री उद्धव ठाकरे यांना पत्र पाठविले आहे. तसेच जिल्हाधिकारी नवल किशोर राम, तहसिलदार गीता गायकवाड यांना निवेदनही दिले. या वेळी पिंपरी-चिंचवड गुरव समाज संस्थेचे अध्यक्ष श्रीहरी गुरव, कार्याध्यक्ष पार्थ गुरव, सरचिटणीस भारत भोसले, उपाध्यक्ष नितीन गुरव आणि बाराबलुतेदार प्रदेश युवाध्यक्ष विशाल जाधव उपस्थित होते.

- शेतकऱ्यांसाठी दिलासादायक बातमी; सव्वा लाख शेतकऱ्यांचे पीक कर्ज झाले माफ!

निवेदनात म्हटले आहे की, "राज्यातील सर्व प्रमुख मंदिरे आणि ग्रामदेवतांची मंदिरे बंद आहेत. या मंदिरांची पूजाअर्चा, साफसफाई, दिवाबत्ती करुन भाविकांकडून मिळणाऱ्या दक्षिणेतून आणि गावातून मिळणाऱ्या शिधेद्वारे गुरव समाजाचा उदरनिर्वाह चालतो.

मागील तीन महिन्यांपासून याद्वारे मिळणारे उत्पन्नही बंद झाले आहे. त्यामुळे गुरव समाजाचा उदरनिर्वाहाचा प्रश्‍न गंभीर बनला आहे. त्यामुळे खरीप हंगाम सुरु झाल्यामुळे विशेष बाब म्हणून देवस्थान इनाम जमिनीवर एकरी 20 हजार रुपये विनाअट पीककर्ज मिळावे.'' जमावबंदीचे कलम लागू असल्याने आंदोलन न करता समाजाच्या मागण्यांचे निवेदन दिल्याचे प्रताप गुरव यांनी सांगितले. 

- पिवळे-केशरी रेशनकार्डधारकांनो, महापालिकेने तुमच्यासाठी घेतलाय महत्त्वाचा निर्णय!

आकडे बोलतात...
- राज्यातील गुरव समाजाची लोकसंख्या - 35 लाखाहून अधिक 
- महाराष्ट्रातील मंदिरांची अंदाजे संख्या - 41,000 
- देवस्थान इनाम जमीन असलेली मंदिरे - 18387 
- ग्रामदेवतेच्या मंदिरांची संख्या - 22623

- ताज्या बातम्यांसाठी डाऊनलोड करा ई-सकाळचे ऍप 

- पुण्याच्या बातम्या वाचण्यासाठी येथे  क्लिक करा