पिंपरी : लग्नाचे आश्‍वासन देऊन नंतर प्रियकराने लग्नास नकार देत शिवीगाळ करून मानसिक त्रास दिला. यामुळे आलेल्या नैराश्‍यातून प्रेयसीने गळफास घेऊन आत्महत्या केल्याची घटना निगडी येथे घडली. याप्रकरणी प्रियकरावर गुन्हा दाखल झाला आहे. धनंजय बाळासाहेब राऊत (वय 23, रा. मोरेवस्ती, चिखली) असे गुन्हा दाखल झालेल्या प्रियकराचे नाव आहे. याप्रकरणी आत्महत्या केलेल्या तरूणीच्या आईने फिर्याद दिली आहे.

फिर्यादी यांच्या 21 वर्षीय मुलीला तिचा प्रियकर धनंजय याने लग्नाचे आश्‍वासन दिले होते. मात्र, नंतर लग्नास नकार देत तरूणीला शिवीगाळ करीत मानसिक त्रास दिला. यामुळे ती तणावात व नैराश्‍यात असायची. या नैराश्‍यातून तिने 23 जानेवारीला दुपारी पावणे एकच्या सुमारास निगडी, ओटास्कीम येथील राहत्या घरात गळफास घेऊन आत्महत्या केली.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा 

दरम्यान, आत्महत्येपुर्वी तरूणीने दोन चिठ्ठ्या लिहिल्या होत्या.त्यामध्ये धनंजय याने फसवणूक केल्याचे नमूद असल्याचे फिर्यादीत म्हटले आहे. दरम्यान, तरूणीला आत्महत्येस प्रवृत्त केल्याप्रकरणी निगडी पोलिसांनी धनंजय याच्यावर गुन्हा दाखल केला आहे. अधिक तपास सुरू आहे. 

दृष्टीहीन रिना पाटील बनल्या 1 दिवसाच्या पोलिस आयुक्त