पिंपरी : कंटेन्मेंट झोन वगळता अन्य भागातील रेस्टॉरंट, हॉटेल व बार सोमवारपासून (ता. 5) सुरू करण्यास सरकारने परवानगी दिली आहे. या पार्श्वभूमीवर शहर परिसरातील स्टार हॉटेल्सपासून उपाहारगृहांमध्ये रविवारी (ता. 4) साफसफाई व सजावटची लगबग सुरू होती. ग्राहकांच्या स्वागतासाठी ते तयार झाले असून, खवय्यांची चंगळ होणार आहे.
लॉकडाउन झाल्यापासून हॉटेल व बार बंद आहेत. त्यांची संख्या शहरासह हिंजवडी, देहूरोड, तळेगाव दाभाडे, चाकण परिसरात सुमारे दोन हजार आहे. सोमवारपासून ते पन्नास टक्के क्षमतेने सुरू होणार आहेत. या बाबत पिंपरी-चिंचवड हॉटेल अँड रेस्टॉरंटचे अध्यक्ष पद्मनाभ शेट्टी म्हणाले, "सरकारच्या निर्णयाचे स्वागत आहे. त्यांच्या मार्गदर्शक सूचनांनुसारच हॉटेल सुरू ठेवणार आहोत. यासाठी सर्व सदस्यांची बैठक घेऊन विचारविनिमय केला आहे. प्रवेशद्वारावरच थर्मल गनद्वारे ग्राहकाची तपासणी केली जाईल. सोशल डिस्टन्सिंगचे पालन करण्यासाठी दोन टेबल व खुर्च्यांमध्ये अंतर ठेवले जाईल. रोखीऐवजी डीजिटल पद्धतीनेच शक्यतो पेमेंट घेतले जाईल. चांगल्या दर्जाचे विघटनशील पेपर, डिश, नॅपकिन वापरण्यास प्राधान्य दिले जाणार आहे. मात्र, कामगारही पूर्ण क्षमतेपणे उपलब्ध नसल्याने त्यांची अडचण भासणार आहे.''
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.