पिंपरी : नागरिक दुचाकी आणि चारचाकी घेऊन बाहेर पडल्याने रविवारी (ता. 12) शहरातील वाहनांचे प्रमाण अधिक होते. अनेक ठिकाणी बेशिस्तपणे पार्किंग केल्यास कोंडी झाली होती. लॉकडाउन होणार असल्याने खरेदी किंवा थकीत कामे पूर्ण करण्यासाठी घराबाहेर पडलेले नागरिक दुचाकी आणि चारचाकी वाहने घेऊन प्रवास करत होते. त्यामुळे वाहतूक कोंडी झाली. अनेकांनी सकाळीच बाजारपेठा गाठल्या. यामुळे मध्यवर्ती भागही जाम झाला. याशिवाय पेट्रोल पंप सुरू राहण्याबाबत संभ्रम असल्याने वाहनचालकांनी पेट्रोल पंपावर देखील गर्दी केली होती. नेहमी स्टेशन, बसस्टॅन्डच्या बाहेर पाहायला मिळणाऱ्या रिक्षांच्या रांगा मोठी दुकाने, मॉल्सच्या बाहेर पाहायला मिळाल्या. नागरिक दुकानांतून साहित्य घेऊन बाहेर पडल्यानंतर रिक्षाचालकांची संबंधिताने आपल्याच रिक्षाच बसावे, यासाठी लगबग सुरू होती. 

ताज्या बातम्यांसाठी डाऊनलोड करा ई-सकाळचे ऍप 

पिंपरी-चिंचवडच्या बातम्या वाचण्यासाठी येथे ► क्लिक करा

साठा मुबलक 

किराणा दुकानदार आणि विक्रेत्यांपेक्षा किरकोळ अन्नधान्य आणि खरेदीसाठी आलेल्यांची संख्याच लक्षणीय होते. प्रत्येकाच्या दुकानातील सॅनियटायझर, थर्मल स्कॅनरने तापमान मोजण्याच्या उपाययोजना गर्दीमुळे नावापुरत्याच राहिल्या. शहरातील विविध भागातील मॉल, किराणा आणि फरसाणच्या दुकानात खरेदीसाठी गर्दी केली होती. नागरिकांच्या लांबच्या लांब रांगा लागल्याचे अनेक ठिकाणी दिसून आले. गर्दीमुळे वाहतूक कोंडी निर्माण झाली होती. त्याबरोबरच सोशल डिस्टन्सिंगचा फज्जा उडाला होता. 

भाज्यांच्या भाववाढीनं नागरिकांना झटका; विक्रेत्यांकडून 'अव्वाच्या सव्वा' भावाने विक्री

Video : आता गिरण्याही 'हाउसफुल', दळणासाठी नागरिकांच्या रांगाच रांगा

भाजीपाला, किराणा अशा विविध दुकानात येणाऱ्या नागरिकांनी रस्त्यावर बेशिस्तपणे वाहने उभी केली होती. तर, काही ठिकाणी दुहेरी पार्किंग केले होते. यामुळे वाहतूक कोंडीमध्ये भर पडली. काहींनी अरुंद रस्त्यांवर चारचाकी उभ्या केल्याने वाहतुकीसाठी अरुंद जागा शिल्लक राहिली होती. याशिवाय काही ठिकाणी नागरिकांनी साहित्य गाडीमध्ये ठेवण्यासाठी रस्त्यात चारचाकी वाहने उभी केल्याने काही ठिकाणी वाहनचालकांमध्ये वादावादीचे प्रसंगदेखील उद्‌भवले. 

Edited by : Shivnandan Baviskar