लोणावळा (पुणे) : पुणे-मुंबई द्रुतगती मार्गावर बोरघाटात आडोशी बोगद्याजवळ गुरुवारी (ता.२२) रात्री नऊ वाजण्याच्या सुमारास दरड कोसळली. सुदैवाने या घटनेत कसलीही हानी झाली नाही. द्रुतगती मार्गावरील वाहतूक पहिल्या आणि दुसऱ्या लेनवरुन सुरळीत सुरू आहे. सध्या लोणावळा, खंडाळा परिसराला परतीच्या पावसाने चांगलाच तडाखा दिला आहे.
आडोशी बोगद्याजवळ किलोमीटर क्र. ४१ जवळ मुंबई लेनवर आयआरबी कंपनीच्या वतीने डोंगरावरील धोकादायक दरडी पाडण्यासाठी लूज स्केलिंगचे काम हाती घेण्यात आले आहे. यापूर्वी याच ठिकाणी दरड कोसळण्याची घटना घडली होती. द्रुतगती मार्गावर दरड कोसळल्याची माहिती मिळताच आयआरबी कंपनीचे कर्मचारी तातडीने घटनास्थळी दाखल झाले. द्रुतगती मार्गावर खाली आलेल्या दरडी हटविण्यात आल्या. यादरम्यान द्रुतगती मार्गावरील वाहतूक संथ गतीने सुरू होती.
- पुण्याच्या बातम्या वाचण्यासाठी येथे ► क्लिक करा
(Edited by : Ashish N. Kadam)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.