पिंपरी - शहराच्या काही भागांमध्ये कावळे, कबुतर व वटवाघुळ असे काही पक्षी मृतावस्थेत आढळल्याच्या तक्रारी महापालिकेच्या आरोग्य विभागाकडे आलेल्या आहेत. मात्र, बर्ड फ्ल्यूचा प्रादुर्भाव आढळलेला नाही, असे महापालिका आरोग्य वैद्यकीय अधिकारी डॉ. के. अनिल रॉय यांनी स्पष्ट केले.
राज्यातील परभणी, बीड, मुंबई, ठाणे आदी जिल्ह्यांमध्ये बर्ड फ्ल्यू विषाणुचा प्रादुर्भाव आढळला आहे. त्यामुळे कोंबड्या, बदके, कावळे असे पक्षी मृत्युमुखी पडले आहेत. मात्र, शहरात अद्यापपर्यंत प्रादुर्भाव आढळला नसल्याचे डॉ. रॉय यांनी सांगितले. ते म्हणाले, ""खबरदारीचा उपाय म्हणून पशुवैद्यकीय विभागामार्फत शहरातील पोल्ट्री व्यावसायिक व घरगुती कुक्कुटपालन व्यवसाय करणाऱ्या व्यक्तींची माहिती संकलित केली जात आहे. अशा ठिकाणी बर्ड फ्ल्यू आजाराच्या दृष्टीने सर्वेक्षण केले जाणार आहे. तसेच, मोठ्या प्रमाणात पक्ष्यांचा मृत्यू झाल्याचे आढळून आल्यास वैद्यकीय विभागामार्फत सर्वेक्षण केले जाईल. बर्ड फ्ल्यूच्या पार्श्वभूमीवर नियंत्रण ठेवण्यासाठी पशुवैद्यकीय अधिकाऱ्यांच्या नेतृत्वाखाली एक समिती स्थापन केली जाणार आहे.''
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.